|
ابي اعرف ايش حالتي وسواس ام قلق تعبت والله اني كدت ان اتوجه للسحر والقرين
السلام عليكم ورحمة الله وبركاتة
اسعد الله مساكم وصباحكم يالغالين بكل خير ومسرة وعافية
انا مشكلتي غريبة جدا جدا ما اعرف ايش تصنيفها وسواس قهري ام ذهان ام قلق ام ايش ... مشكلتي بدأت من يوم كان عمري 18 الى الان عمري 30 تجيني فترات وتروح اول حاله جتني يوم كان عمري 18 كنت افكر في بوابة مسجدنا (سخيفه الفكره) وغريبه ايضا بس عقلي خزنها وكنت كل شوي اتذكرها وانا جالس طالع رايح اكل شارب وتجيني فتره احس انها سخيفه واطنشها وفتره احس انها لاصقه الحاله عبارة عن فكره مستمره لاتنقطع مرت السنوات ونسيتها لكن قبل سنه بالتحديد جاتني فكرة اني ما راح انام وجلست معي ماسكتني وملازمتني ما عليكم من المضمون عليكم من الفكره نفسها هي الي لاصقه كل شوي عقلي يفكر فيها وانام عادي بدون ارق لكن الفكره ناشبه مع الوقت تغيرت الفكره وصارت تتبع نبضات القلب ويوم جاء كورونا وجاتنا البيت قريت موضوع عن التنفس صارت مراقبة التنفس فكره لاااااااصقه في مخي اروح اجي افكر في الشهيق والزفير صارت إراديه... احيانا احسها تافه واقدر اطنشها واحيان تجيبلي اكتئاب شنيع وتسيطر علي هي والاكتئاب انا استخدم سيبرلكس من 10 سنوات وما قطعته نهائيا اتدرج وازود وانقص واذا استقرت حالتي اخذت نصف حبه 5جرام ... ومرت علي امراض كثيرة ومراحل منها وسواس قهري ونوبات هلع واكتئاب شديد سوداوي والحمد لله على كل حال ... اخواني الي ابي اعرفه هل احد جاته هذي الحاله فكره لاصقة في مخه ماتروح سواء مشهد ولا صوره ولا مرض لأنه اذا جاء معها اكتئاب تصير مكتفه الواحد تعبت جدا جدا ... ابي حل او تصنيف هذا المرض الفكري هو قلق وسواس او من درجات الفصام او ايش والله يا الغالين اني فكرت بل اني راسلت شيخ روحي قال بخلي قرينك يكلمك اعوذ بالله متعب ومجهد هالقلق هل احد عنده فكره او تجربه
|