المشاركة الأصلية كتبت بواسطة ظل امرأة

مشكلتك يا عالي تحتاج فقط إلى تدريبات
وبروفات متكررة..ما تهرب من نفسك..واجهها
لانه ماشاءالله عليك ناطق ومثقف جدا
وهالامر يفرق كتيرررر في وضعك..
لانه عندك مخزون هائل من المصطلحات والعبارات
كلو مدون بعقلك..واللي يفرق هو النطق بها...
يعني انت جاهز ومو جاهز..بدك بس بوش (دَفعة)
شوف حدا هيك توثق فيه صاحب او اخ
او حتى تقدر تتكلم على المراية (المرآة)
واعتبره الشخص المعني للحديث
سواء دكتور او لقاء عمل
حسب ظرفك شو يحتاج...
وكوّن جمل قصيرة مبدئيا..يعني مقدمة صغيرة
وحاول القائها بطريقة مناسبة
صدقني مارح تحتاج تدريبات كثيرة
يمكن تنطلق على طول..
اهم شي ما تيأس وما تستسلم
مو ضروري تروح على معرفي سلوكي
يعني ما تجبر نفسك..
انت ماشاءالله عليك عارف حالك
ما تحتاج توجيهات من حدا..مو ضروري يعني
بس بدك اول خطوة وبتصير تمام
وع فكرة عالي مو مجاملة والله
انا متأكدة كل حدا رح يسمعك
رح يتلذذ بالحكي معك
لانه اسلوبك ممتع وراقي
الله يهدي بالك ويصلح أحوالك
اعيد واكرر اشتغل على حالك علو
وهالشي رح ينعكس ايجابيا على نفسيتك
ورح تتغير امور كتيرة بحياتك..
انت بس احسم امرك وتابع وضعك
وما بتكون غير رضيان بعون الله🌹🌹