المشاركة الأصلية كتبت بواسطة عيون متفائلة

السلام عليكم ورحمة الله وبركاته

اسعد الله صباحكم اخواني

ثلاث سنوات مرت زي الهوا

بعد ما اختفى حسيت اني وحيدة مع ان ماشاء الله تبارك الله عندي غيره الله يحفظهم و يرده بالسلامة

بس اكتشفت انه الوحيد اللي اذا قمت قام معي و إذا قعدت قعد
حرفيا ملازمني زي ظلي وين ما اروح .. حتى يوم اصلي يجلس على سجادتي

الفراق موجع .. فارقني بعد ما فارقني اخوي الغالي بعد خمس شهور
اخوي الغالي الله يرحمه توفى بشهر الحج و الغالي الثاني اختفى بجماد اول بعز البرد
ما انسى ذيك الليلة أعوذ بالله البرد باغتنا فجأة كان يوافق بداية يناير .. اذكر قعدت انتظره على مدخل بيتنا من داخل و انا ارجف فوقي البطانية اسبوع كامل ، كل ليلة في نفس المكان اقول يمكن ضيع الطريق و يجي .. كنت مرات اغفو و انا جالسة لين يأذن الفجر

ربي لا يكتب الفراق على أحد و يرد الغايبين بالسلامة و يحفظ كل غال لغاليه