المشاركة الأصلية كتبت بواسطة بن دامياني

لا حول ولا قوة إلا بالله ، أنا في حيرة من أمري والله

كلامك ذكرت فيه كل مخاوفي من العلاج النفسي ، ورغم كده ساعات بدخل وبقرأ حالات إيجابية جدآ عن ناس تناولته ..

إلي مخليني متردد جدآ ، إني قادر أتعامل مع القلق وأسيطر عليه ، لكن مش قادر أستمتع بالحياه وحياتي واقفة تماما من 4-5 شهور تقريبآ ..

الحمد لله بفضل العلاج السلوكي المعرفي والقرب من الله قدرت أتجاوز الفترة الصعبة ، وإن كان في لسه وساوس أحيانا وقلق لكت بقيت بعرف أسيطر ، لكن مش برجع زي الأول ، ومفيش عندي دافعية لأي حاجة ، ومش مستمتع بالحياه إطلاقآ ، وأنا في مرحلة محورية في حياتي محتاج فيها آخد خطوات جدية في مسألة الزواج

أنا مش مكتئب الحمد لله أو إكتئابي بسيط ، لكن القلق والمشاعر السلبية مسببالي عسر مزاج ..

فأنا محتار والله ، دكتور كتبلي سيبراليكس ودكتور كتبلي سيروكسات 12.5 ..
وأنا خايف أتورط في دوا طول حياتي ، وخايف يكون في الدوا الفايدة لفترة صعبة أعديها وأقدر أرجع زي الاول

دورت ولازلت أبحث علي أدوية بسيطة وغير ادمانية تساعدني لمدة شهور فقط حتي ومش عارف أوصل لحل مناسب ..

عمومآ ربنا بجازيك خير