نفساني - عرض مشاركة واحدة - انكر قلبي عندما اريد النوم . نبضات مرعبة لي

21-11-2022, 01:50 AM

السلام عليكم ورحمة الله وبركاته

حياك الله اخوي الكريم ابو نجلا وعل الثلج

يارب تكون دوم بخير و ينجلي كل ما يزعجك و يحقق ربي أمنياتك في الدارين ..

لفتت نظري شكواك .. تقريبا نفس اللي أشعر بوه معظم الوقت ، خاصة فترة النهار .. لدرجة قلت يمكن عندي بارانويا .. قرات عنها اليوم باستفاضة ..

خوف زايد عن المعقول من كل شي و أي شي .. أفزع حتى يوم اسمع امي تكلم اخوي من بعيد قلبي يخفق اخاف صار لأحدهما مكروه

يمكن تقول اني ابالغ لو جرس بيتنا يرن او جوال أحدنا ، بالذات الجرس اتجمد في مكاني ، احس اي طارق يبي يجلب لنا الفواجع و العياذ بالله

طوال الوقت قلقانة مضطربة، خايفة من المجهول، حتى صار جل دعائي ان يعدي ذا اليوم على خير و إذا عدى اتوجس من بكرة

حاولت اتمرن ذهنيا و نفسيا و دينيا على عبادة التوكل ، لكن عجزت اسيطر على مشاعري ، صرت احس ان الموت راحة كبرى و نفض لكل قلق و عذاب ..

ربي يجيب العواقب سليمة .. و يجعلنا نكمل ما بقى لنا في سلام و امان و يحسن لنا الختام .. و لجميع المسلمين

اللهم آمين

وعل الثلج معجب بهذا