نفساني - عرض مشاركة واحدة - تغيرت شخصيتي وتغير مرضي من الاكتئاب الى اضطراب الهلع

10-09-2023, 09:39 PM

السلام عليكم ورحمة الله وبركاته

حياك اخونا الفاضل ..

خطاك السوء و ربي يجعله طهور و أجر و عافية

كل هذا انا أعاني منه ..

كان اكتئاب و الآن قلق و خوف معظم الوقت يتخلله نوبات هلع تخليني ما أقدر ابلع ريقي و لا استقر على كنبة و لا فراش ..

نبضات قلبي متسارعة يتهيأ لي إني اسمعها يرافقها ضعف تركيز حتى لو قلت لنفسي : قومي شوفي لك كم شغلة لأني اصلا كذا و الا كذا ما اقدر استقر في مكاني زلزال يدك في قلبي و أوصالي من الداخل كأنها معارك لدرجة احس اني ابدوخ ، احاول وقتها اخذ حبتين بنادول إكسترا يخلي دموعي تهل شلال مدري ليش ، كل ذكريات الحزن و خيبات الأمل تتسابق على عقلي ، بس احس البكاء و فيضان الدموع يريحني قليل و يخليني أشعر بنفسي و بما حولي ..

وقت اشتداد القلق و الخوف افتح المصحف اجلس اقرا و اقرا احاول اركز ما اقدر ، اشوف الحروف هلامية و ذهني بحر تتلاطم أمواجه لو احد يسألني عن اسم السورة وقتها ما أدري ..

و رغم هذا كله معصي ارجع للأدوية النفسية لاني سبق جربتها ، فقط تخليك في حالة نوم طويل و انعدام تركيز حتى و انت صاحي و زيادة وزن .. الله لا يعيدها من ايام

و فالي و فالك العافية يارب .. و فال كل مريض

أبوأمل ,محمد المجرب معجبون بهذا