نفساني - عرض مشاركة واحدة

23-07-2024, 11:09 PM

السلام عليكم ورحمة الله وبركاته

مر وقت طويل اخواني شخباركم عساكم بخير
اختي تقهويتك مواجع دوم ع عبالي شخبارج ان شاء الله تكونين تتشافيتي ونسيتي هذا المنتدى

اخواني ما بطولها عليكم صار موقف رجعني شوي للورا البعض منكم يعرف ان أنا عندي وسواس الموت صار موقف وقلت عمري لشخص وبدا يقول اوف وهذا عمرج ! معني صغيره و بدأ يستهبل ويحسب الايام اللي عشتها ويقول انتي بعدج عايشه ما تتخيلون كيف خفت ! خفت من عينه اعرف خوفي مب فمحله اعرف خوفي ما يمثل التوكل ع الله بس اتضايقت من كلامه خاصه اني ما كنت متحصنه عدل وفي فترة الحيض
حاليا خايفه واعرف خوفي هذا تواكل وليس توكل والأعمار بيد الله بس خلاص احس صدق متضايجه
سامحوني اخواني ممكن يكون كلامي سخيف بس جد بعد الله ما عندي غيركم افضفض له ياما دخلت هذا المنتدى وفضفضت وهونتوا علي وكانوا في اخوان منكم لهم وقفات ماراح أنساها أنا صدق متضايجه وزعلانه يارب تهون علي افكار توديني وتيبني

خاطري اتوكل ع الله حق التوكل واوقف من التفكير التافهه بس فكرة العين والحسد وعقدتهم ارتبطت فيني من الصغر

شاركوني يا اخواني ودي اقرى تعليقاتكم يعلم الله اني استأنس بها وارتاحلها

ما اقولكم أنا ما اتحسنت شوي الحمدلله حالي تحسن بس الموقف هذا اللي مريت فيه مع الشخص خوفني

اعوذ بالله من الشيطآن الرحيم

محمد سين معجب بهذا

المصدر: نفساني