نفساني - عرض مشاركة واحدة

30-09-2024, 12:10 AM

جلست جلسة مصارحة مع نفسي ..
وش يخوفني ؟؟!
أخاف في يوم أفقد عقلي مع الوقت
طيب وش يقلقني الآن ؟؟!
أقلق من الإنتكاسة
طيب لو صار كل شئ أخاف منه وأقلق ؟؟!
ماعندي إجابة لأنه شئ أوجع من تصوره
طيب لو ما صار وضاعت أيامي على كثرة التفكير ؟؟!
هذا الشى اللي يطمني نوعا ما
طيب وش مزعلني من الحياة ؟؟!
جرح ما توقعته .. والقلّة ماهو شعور لا وضع انجبرت أعيشه
طيب اللي فات مات من الذاكرة وهو عند الله مسجل لييه أعيد كل سئ ؟؟!
المشكلة اللي فات ما مات وممكن يرجع لواقعي وأعيش كابوسه وأنا أشوف بعيوني تفاصيله
وش الحل في نظرك ؟؟!
حلول الأرض كلها ما تنقذني تركتها لرب السماء
طيب اللي يتوكل على الله حق توكله ما يشيل هم شئ ليش أضيق وأفكر ؟؟!
حنا بشر فالنهاية نشوف لحظات اليأس وقلوبنا معلقة بغيث السماء
طيب كلهم يقولون ما لحالتك شفاء وش تقولين لهم ؟؟!
أقول كل شئ ممكن يطيب لأن الله الشافي وأنا أؤمن بقدرة الله اللي تفوق توقع كل البشر
طيب ليه قسى قلبك وما صرتي تهتمين ؟؟!
لأن بعض مراحل الإبحار في الحياة تحتاج لتخفيف الأحمال واللي غرق مره يتمسك بالنجاة

سكون النفس معجب بهذا