نفساني - عرض مشاركة واحدة - اهل جده العلاج بالكهرباء صدمات الدماغ تجاربكم افيدوني

11-12-2024, 11:39 AM

السلام عليكم ورحمة الله وبركاته

حياك الله اختي

بالذات البروزاك لازم مدعم له خلال الأسبوعين الأولى

تدرين انه اكثر علاج اتعبني من حيث الأعراض الجانبية
أكثر من السيبرالكس و السيروكسات

هذا البروزاك بالذات عطوني مدعم بعد ما رحت طواري
لاني بغيت اموت من اشتداد الأعراض
من أصعب ايام حياتي رحت طواري ثم قالوا لازم ما تاخذينه الا مع الريميرون

و كذلك البروزاك مشكلته كبسولة ما تنقسم زي باقي الأدوية

من بعدها تعقدت

صرت يوم اجي أبدا أي كورس اقسم الحبة لست أقسام أخذها على ست ايام لين استقر تدريجيا على الجرعة المطلوبة

تمام اجل جنبك مستشفى الصحة النفسية ما هو بعيد و مستشفى قديم و متخصص و هو المستشفى اللي يراجع فيه أخوي للان و كذا مرة عطوه جلسات كهربا و نوموه
لان فصامه شديد

حتى يوم طلبته يغير المستشفى لمجمع الملك عبدالله الله يرحمه رفض ، لانه اصلا من اعراض مرضه ما يبي التغيير و ما حبيت اضغط عليه

بالنسبة للعلاج في القطاع الخاص انا لاحظت الأخوان اللي هنا ادويتهم كثيرة و متنوعة و كل شوي يبدلونها لهم
وقتها دريت ان هذي تجارب الخاص

الحكومي ما يجربون و لا يكثرون أدوية

و عندهم تطبيق دوائي يوصلون علاجك لباب بيتك عن طريق البريد السعودي طالما ما تحتاجين تحليل

لكن اخوي يحتاج تحليل كل شهرين
شهر يوصلونه و شهر يحلل

عشان كريات الدم البيضاء

و ربي يعافينا وياك اختي و يعافي جميع مرضى المسلمين

و اي خدمة لا يردك الا لسانك

أبد .. بس دفي الباب و طبي الله يحييك : )