المشاركة الأصلية كتبت بواسطة كحيلان *

طلعت من البيت و رحت مشي لمطعم قريب من بيتنا عندهم دجاج على الفحم بالربع مو مشوي كعادة كل المطاعم ، تعشيت و خلصت ، و فيه مطعم على طريقي و انا راجع البيت عندهم شاهي ، طلبت شاهي و طلعت و ألقى سيارة مشبه عليها إنها سيارة أخوي بحلقت فيها أشيك هي ما هي هي ، إلا سبحان الله يطلع منها أخو زوجتين لأخواني الثنين ( ماخذين أخوات و هذا أخوهم )

المهم سلمنا و كيف الحال إلا يقولي ما تزوجت ، صرفت الموضوع قال لي أبوك غلطان و صرفت الموضوع بزيادة قلت له ردد ياليل ما اطولك بعدها لزم علي إلا أتسحر معه قلت توني متسحر و توادعنا .

ههه المفروض زوجوني من الثانوية أو المفروض و انا بالجامعة أو المفروض دخلت تخصص يناسبني و أكون مخطط لمستقبلي صح أو على الأقل توظفت بعد تخرجي فورا بوظيفة مناسبتني ( ردد ياليل ما اطولك ) و فيه سوالف و سوالف لكن لا تدري ﴿ و عسى أن تكرهوا شيئا و هو خير لكم و عسى أن تحبوا شيئا و هو شر لكم ﴾ أبوي مهوب غلطان و أنا ماني غلطان و ما احد غلطان 🤔🤓😤

الله على ذا الليل لو كان ما جابك
اشتاقلك بالحيل لا يطول غيابك
ياللي هويتك ليل و الصبح قفى بك
و الله مات الحيل ، واقف على بابك
يا ويل قلبك ويل ما جامل احبابك
و الا على ما قيل صدوا بك أصحابك
ياللي عدالك ميل ، ابطيت بكتابك
ابنهمر لك سيل ، اجمعني بثيابك

ياليتني ماني مضطرب منذو الطفولة و أكون طبيعي كان دخلت تخصص له مستقبل و كونت حياتي الأسرية و أكون تعلمت أصول الدين خارج تخصصي بالجامعة ، لكنها أقدار ما يدريني إن هذا الإبتلاء الطويل سيجعلني أنظر إلى الله الخالق ذو الجمال و الكمال و الجلال .

اللهم الصبر الجميل مدى حياتي و تعافيني عاجلا غير آجل

https://youtu.be/4YrGnpF7slY?si=jfBGukcOfkKsbjOc