نفساني - عرض مشاركة واحدة

21-04-2025, 09:16 AM

و الآن لو تحط الشمس في كفة و القمر في كفة يزهد في حلاله سبحان الله .. ما يقربها لو تنطبق السماء على الأرض

لدرجة البعض منهم يتعلث بالحمل ، من يوم تحمل ما عاد يطالع فيها لين تلد .. ما صدق لقى له عذر .. مع انه ما يعذر في ذلك الا في الأيام اللي تمر بها المرأة من كل شهر و فترة ما بعد الولادة ، و كلها ايام معدودة و بتنتهي ..

و هذا ما صدق ، بحجة الحمل يقعد هو وياها قريب السنة اخوان متحابون في الله .. بدال ما يعد الايام عد و هو على احر الجمر ..

اخر بث سمعته لام اليسر و حامت كبدي بعدها و ما عدت استمع لها بعد كذا يوم وحدة تشتكي انها عروس و من يوم احملت لين اولدت ما قرب منها و هي تخاف انه حتى بعد ما تنتهي من فترة النفاس كذلك ما يقربها ، المشكلة في رد ام اليسر عليها تقول : يا ماما عادي كثير من الرجال الآن صاروا كذا مجرد ما تحمل زوجته ماعاد يقربها ..

ليش قطاوة مثلا .. انا اللي اعرفه ان الحيوانات سبحان الله التزاوج فقط من أجل الحمل ، من يوم تحمل ماعاد يقرب الذكر الأنثى لين تلد و لا يمكن يقربها في فترة الحمل كذلك ذكر اخر ..

حتى الذكر لا يمكن يمارس التزاوج الا اذا رغبت الأنثى في التزاوج ، يعني مو زي الدلوخ اللي يحبسون الحيوانات سوا بدون ما تمر الأنثى في فترة طلب التزاوج و يعذبونهم نفسيا و يقعدون يتضاربون و ينتفون شعور بعض من الخوف مساكين و لا يتم التزاوج

تيرمومتر العملية برمتها عند البهائم الأنثى إذا مرت في فترة التزاوج وقتها يستجيب الذكر ، غير كذا ما تخليه و لا هو اصلا يطلبه ، و من يوم تحمل ما يستطيع يقربها و لا ذكر غيره لين تلد

بينما ابن آدم ربنا من باب التكريم عامله معاملة خاصة ، ما جعل الهدف الاول من التزاوج الإنجاب ،

جعل الاعفاف الهدف الاول ثم الإنجاب لذلك ما يهم التوقيت زي الحيوانات .. فقط في الأوقات اللي حرمها و هي ايام معدودة يمكن أن يصبر عليها ..

الان صار الذكور للأسف كذا ..
يبي يتعلث بأي شي عشان ما يقرب . ما هو لدواعي فطرية منظمة مثل الحيوانات
عشان فقط ما له رغبة ..

مدري هذا البرود هل هو عقوبة بسبب إطلاق البصر فيما حرم الله لذلك ربي حرمه لذة الحلال ..

طيب وش ذنب الضعيفة اللي تزوجها ؟

و المشكلة ان الان وين يمديه يغض بصره و النساء هداهن الله في كل مكان حوله و حواليه و ليتهن متسترات ، غير العطور و أنواع الروائح ما تدري الغافلة أنه أيما امرأة استعطرت و خرجت فهي زانية و العياذ بالله .. يستهترن للأسف بذلك

قليل منهن من تخاف الله في نفسها و غيرها ..

و الله الهادي إلى سواء السبيل