نفساني - عرض مشاركة واحدة

25-04-2025, 08:57 PM

حياك الله ابو امل
حنا ينزل كل واحد ١٥٠٠
انا و امي و اخوي
و ال ٨٠٠ هي ذي حقت الضمان بدال ٣٦٠٠

جاتنا الباحثة اخر مرة قالت بحسب حسبتهم هم هذا اللي نستحقه ..

هي ضاقت علي كل المستفيدين مو حنا فقط

و الباحثين صاروا يرسلونهم كل ثلاث شهور على حس ال ٨٠٠
اقعدت تسأل فوق الساعة و تكتب ثم أظهرت

و ما زالوا صاملين على ٨٠٠

الحين ما ندري ندفع الإيجار و الا نعتاش منها .. قد ما نصب و نحقن في حلوقهم برضوا مديونين للايجار

نقطع اللقمة و الا ما نقطعها من حلوقنا ما حنا متخارجين و الله المستعان

و الكل كذا .. بس على الاقل فيه ناس كثير يساعدون بعض اقلها يقطون أقاربهم لهم الإيجار ، ما يخلونه يتراكم . ما خاب ربعن تعاونوا .. اقلها فاتورة واحد يطق الصدر منهم و يسدد .. ما هو كل شي علينا و ما حنا ملحقين

مير واحد من خوالي يقلي اطلبي ربك بدال يساعدنا .. و يرسل ذيك ال ٥٠٠ الا ما شفنا بعدها الا غباره

مدري وش السر في ال ٥٠٠

يقول اطلبي ربك و كأن الفلوس تبي تنزل من السماء على الأرض من حالها .. ما كأن الله يسخر البشر للبشر .. و هم اقاربنا .. الغريب ما له بنا ..

لا حيا و لا مستحى مع ان يشهد الله ما قط طلبناهم و لا نصيتهم غير يوم بلغت القلوب الحناجر .. يوم تراكمت الديون و نفسيتي زادت اضطراب و خوف و وسواس
يعني بعد ما مرضت و قمت ابلع من الحبوب النفسية تكلمت

سبحان الله الواحد ما يعرف الخلايق غير وقت الشدايد

هذا خالي بالذات أكبر من امي مرة بالمنام شفته مات قعدت اصيح و انا نايمة و انا صاحية ، قعدت متأثرة ايام ابكي .. استغفر الله العظيم الحين لو يقولون مات ما أظن دمعة بتنزل

قال ايش : اطلبي ربك

ليش حنا يهود ما نعرف ربنا ؟

و الا عشان اللي ربي مو رايد بوه خير يقطع الخير من وجهه و ما يخليه يساعد احد عشان ما يبي يساعده لا دنيا و لا آخرة