نفساني - عرض مشاركة واحدة

25-04-2025, 09:27 PM

دايم من داخلي كنت انقد المشهورات و ادعي لهن بالصلاح خاصة المتبرجات

و بالصدفة فتحت مقطع لاحداهن و طاحت اذني على جملة قالتها .. حسيت لوهلة ان معاها حق استغفر الله العظيم و عذرتها

بس مو في التبرج و العياذ بالله

في مطالبها

وحدة قالت لها و ين اهلك و قبيلتك عنك

قالت القبيلة ما اكلتني و لا شربتني و لا دفعت الإيجار عني

قالت من بكرة لو احد منهم رفع علي سماعة و قال لا تظهرين في الميديا بس ادفع الإيجار قعدت

أثرت فيني جملتها و هلت دموعي غصب عني

ما صرت بعدها انظر لها الا بعين الرحمة و ادعو لها

الثبات هذا رزق و عطاء بل ميراث

ما كلن عطاه الله اياه

حمدت ربي عليه

اكيد الحين احد يبي يقول : تجوع الحرة و لا تأكل بثدييها

ادري لكن هذي للأسف ما تحصنت بالدين الكافي و لا ثبتت و الظروف زادت الطين بلة

الكل اجتمع عليها شيطان نفسها الامارة بالسوء و الظروف نسأل الله السلامة

نسأل الله الثبات للممات

يا مقلب القلوب ثبت قلوبنا على دينك