نفساني - عرض مشاركة واحدة

10-05-2025, 05:37 PM

اقتباس:

المشاركة الأصلية كتبت بواسطة محمد البدراني

هلا وغلا عيون هلا بالصابرة
خليك قوية وراجعي مختصة بالهرومونات والعلاج اذا كان السبب اطمئن فترة بالكثير اسبوعين وتروح الاثار الجانبية

حياك الله اخونا محمد ارحب

إن شاء الله ودي ارتب اموري و التحق بالصالة الرياضية و ينتظم وزني و تنتظم حياتي

انا مستغربة من رهاب الخروج ذا

مع اني طول عمري من يوم بدأت ادرس بالجامعة ، كانت فيه صالة رياضية جنبها و قريبة من بيتي ، اشترك فيها اشتراك سنوي ، كانت بمبلغ رمزي لمنسوبات الجامعة

و استمريت اربع سنوات لين تخرجت و انا اتردد عليها

بعدها صرت اشترك سنويا يوم كنت معلمة عشر سنوات ،. ثم يوم نقلنا ذا البيت تولجني رهاب الخروج ، و انحبست لا وظيفة و لا خروج

تصدق اني ما كنت مصدقة اني ماني قادرة اخرج لدرجة اشتركت قبل عشر سنين مدة عام في صالة رياضية ما رحت منها الا سبع او تسع مرات

ثم يوم جات السنة اللي بعدها قلت لازم اروح و انتظم ، لكني اشتركت لمدة شهر ما رحت منها غير يومين و بصعوبة

قلت ياربي وش فيني ليش ارتجف و اخاف من يوم أظهر من البيت.، ما كنت افكر انه رهاب خروج

و الله لدرجة صرت ابكي من الخوف داخل السيارة

ما كنت ادري انه رهاب خروج

و كانت عندي صديقة مقربة مني عزمتني و تهيأت و رحت بغيت انجن ان مكياجي ساح بالطريق من كثرة دموعي لدرجة اشاهق من الخوف ودي اقلها خليها مرة ثانية ، ترددت كثير

بعدها قررت أن معصي اخرج ، لاني ما صرت اتحمل هذا النكد و هذا الخوف

و قبل سنوات بسيطة فتحوا صالة رياضية في الشارع اللي ورا بيتنا ، استبشرت خير و شريت لي طقمين لبس مخصص للرياضة اونلاين و للان معلقة ما لمستها

انا تعبت من نفسي

يشهد الله اقلق بموت خاصة اي شي يخص علاج و خروج

يارب انصرنا على أنفسنا و اوجاعنا و مكايد الشيطان

و انا بحكم ادري ان ما ينظم هرموناتي بإذن الله الا تخفيف الوزن ، ابحاول و الله المستعان

جزاك الله خير