السلام عليكم ورحمة الله
الرجاء الرد على موضوعي سريعاهو مستقبلي واريد تحديده
انا مخطوبه لشخص صعب التعامل معه جدا لا يحب الكلام ابدا بمعنى كلمه ورد غطاها ولمن اقوله لازم نتفاهم على حياتنا وايش تفكيرك يقولي خلاص كل شي بعدين
لايهتم لي اوقات يقفل جواله يوم ويومين ولا يحاول يسال او يقول انو في احد يدور وراي او يسال عني بعدها يكلمني ويقولي خلاص مو انا طيب الحين وقدامك افيني شي
ارجوا ان لا تفهموني بمعنى اني من النساء التي تكثر السؤال لوين رايح ولا من وين جاي لأ بس مجرد انو يخبرني انو انا طالع وراح اتاخر او يرفع الجوال ويقول ممكن اني اتاخر
اسلوبوا بالكلام دايم دفش نوعا ما لمن احس انو صوتو تعبان ولا انو متضايق من شي احاول اعرف ايش مضايقوا وايش اللي حاسس فيه يقولي اف مافيني شي خلاص ويصرخ بصوت عالي وفجاة يرجع ويقول انا اسف
لمن اتناقش معاه لازم كل اللوم يرجع علي ولمن اتكلم معاه بالمنطق يحاول باي طريقه يتهرب ولا بسكت خلاص انا عارف انو نا طبعي كذا وانتي لازم تتحمليني او كي انا ممكن اتحمله بس مو لازم بالمقابل شي يهون الجو اللي انا فيه او الوضع يعني
كل واحد من بالاكلام اللحلو يجي او بطريقه على الاقل شوي احسن من كذا اوقات يقولي خلاص اوص ولا كلمه اقوله كذا طريقة التفاهم يقولي ايه كذاانا على كيفي انسان مثل كذا كيف اقدر اتفاهم معاه؟بعدين اصحابوا كل شي فحياتوا وممكن يسمع لهم ولمن اقولوا اعطيني من وقتك شوي
يقول لابكره بتملين مني انا اعترف اني انسانه حساسه بس برضوا هو لازم يقدر هذا الشي واحس انو لازم يعرف انو الحين حياتو مو لوحدوا في شخص ثاني معاه وفهمتوا هذا الشي بس مو مقتنع
ابي اعرف عدة اشياء اذا ممكن
اولا:كيف اتعامل مع هذا النوع من الشخصيات انسان لا يحب الحوار ولا الكلام ولا النقاش طبيعتوا دايم متنرفز؟
ثانيا:كيف اقدر اخليه يتاعمل مع حساسيتي؟
ثالثا:كيف اقدر افهموا انو حياة الاصحاب غير والحياة الزوجية غير؟
حاولت اتعامل معاه بالكلام الحلومافي مجال فجاة يشخط فيني فجاة صوتوا يرتفع
ؤابعا: كيف اتعامل مع هذي انقطه عندوا واقدر اخليه يتخلى عنها؟
اسفه على الاطاله ولكن سوف اذكر بعض صفات شخصيتي لكي اعرف اذا هذا الشخص ممكن ان استمر معاه او لأ انا انسانه حساسه افقتد لنوع من الحنان عصبيه ولكن طيبه اميل للوحده في اكثر الوقت
الرجا الردسريعا قبل تحديد موعد الزواج وافشل في حياتي الزوجيه وشكرا