نفساني - عرض مشاركة واحدة

13-04-2002, 01:39 AM

احب فيني بداوتي ..ودوم يا " دره " اشتاق للثام جدتي
يا زينهم ويا زين طبعهم, بدو قلوبهم صافيه
ما يروي ظماي غير " قربة الماي "...........تعرفينها؟
وما ينعش عروقي الا ذاك اللبن من وسط " سعن " بدويه خضته وزبدته فوق شفته
تدرين " دره "
اموت في خيمة بدويه ادورها واركض يمها
اسولف معها وامازحها ..."ارشيها" بكلمتين لاجل تسقيني الماي واللبن
لاجل يموت في عروقي حضاره زايفه وتعيش في عروقي اخلاق البدو
ودمي يا " دره " يسمونه الدم الكريم ....تعرفينه؟
يعطي وسخي ولا يمنع خيره ....ابد
لكنه عزيز وان جفت ابياره ما ياخذ الا .........دم ..........عزيز !
وجلدي بدوي
وشعري بدوي
وكللي بداوه عطرها بيت الشعر
وكللي من صحرا الخليج
وكل هلي مثلي
عرفتي هلي ؟
والا بعد؟
......................................
********************

اتعلمين ان تجار باكستان والهند قديما هم من ادخل العلم الى بعض مناطق المملكه ؟
اتنكرين فضل اخواننا واخواتنا اهل مصر علينا حتى وان جار بعضهم علينا
حتى وان اغرقنا بعضهم با المال
فقد اغرقونا علما وفكرا
.................................

لا يا دره عروقي بدويتن با الحيل با الحيل
ولا يخجلني ان يكون لي قريب من اي لون او عرق او جنس
فكلنا لاادم وادم من تراب

فينيتوا:)