نفساني - عرض مشاركة واحدة

03-05-2002, 04:54 AM

احممم احممم ............اممممممممممممممممممممم

ما ادري وشلون أبدأ لكن عبيــــــــــاني يا إن قلبي بغى يطلع من الفرحة يوم دريت إنك الحمد لله شفيت واستقريت نفسيا الف الف الف الحمد الله على السلامة ....أحلى شئ في هذي الدنيا النهايات السعيدة

_________
mirror يا إنك تذكرينّي بنفسي يوم كنت خبلة مكابرة على بالي كنت أقول ما بقى إلاّ لمياء تروح طبيب نفسي الله لا يقوله ((على فكرة إذا بغيتِ تعرفين وش فيني روحي للصفحات الأولى ..ذيك الكلمات اللي كنت أكتبها وأنا في عالم ثاني عالم أصارع فيه الآلام والحسرات والإحباط واليأس والقلق وكل شئ الله لا يعيدها من أيـــــام قولوا آمين )) ..
- - - - - - - - - - - - - - - - - - - - - - -

المهـــــــــــــــــــــــــــم ..اليكم الفصل القبل الأخير من قصتـــــــــي
(( ياربيه بتشقق وأنا بأكتبها :) لأني بصراحة ما كنت أتوقع إني بأكتبها .... لحظة بأسجد سجود شكر لله ))

اسمعي يا مرايا ويا جميع الأعضاء ....طبعا يوم إنقطاعي عنكم منذ تقريبا بضعة شهور كنت قد وصلتُ فيها أشد معاناتي قد سيطر علي القلق لدرجة كرهت فيها نفسي كنت انهض كل صباح على زقزقة العصافيــــر ((عفــــــوا )) قصدي على رعشة وخفقان وصداع و غثيان ووجهي يقطر عرق و رجلي أحس إنها ما راح تشيلني غير إن شهيتي كانت مسدودة عن الأكل نهائيا هذا وكنت أتخيل وأحس أنني معاقة مشوهة ((الحمد لله يا إني كنت غبية )) مع ذلك ما فكرت أروح طبيب نفسي كنت أقول فترة وتعدي ..فترة وتعدي ..فترة وتعدي .......يقطع ذا الفترة اللي عيّت تعدي .

وفي يوم من الأيـــــــام وفي إحدى الصبحيات قمت كالمعتاد على تلك الأعراض المزعجة ((بس يا حليلي كنت والله قوية أقوم وأروح للجامعة ..لأني كنت أشعر بأن تلك الأعراض تخف مع إندماجي مع صديقاتي ومع المحاضرات .....)) المهم بعد ما قمت ولبست ملابسي وكان وقتها وجهي اصفر وحالتي حالة والأعراض ذاك اليوم كانت مشتدة بزيادة طلعت على أخوي قلت : اسمع يا فيصل((هذا اسم أخوي :D )) حطني على طريقك في الجامعة ما أبغى أروح مع السواق أخاف يجيني شئ في الطريق ثمن عاد تبحلبي الشغالة ويا ذا السواق ....قال أخوي : طيب ..
وأركب معه في ا لسيارة ويوم توكلنا على الله ومشينا إلا وأحس إني مخنوقه (كنت أتنفس ..بس ما أدري كنت أشعر إني مخنوقه ) ومن غير رايي نزّلت المرتبه يعني صارت مثل السرير وانسدحت عليها وفكيت طرحتي
وخنقتني ذيك العبرة : فيـ ـ ـ ـ ـ صــــ ـ ـ ـ ـل أحس إني بأطرش , ويلتفت فيصل علي وهو فجعان وقال لي وهو يعاتبني قصدي وهو ينافخ علي : كان جبتي معك كيسه ولا شي تطرشين فيه بعد أنا ناقصك توصخين سيارتي ((وأنا وجهي أحسبه فجعان علي صار فجعان على سيارته )) فيصل هذا اللي همك سيارتك وأنا يعني ما هميتك , تعوذ فيصل من ابليس وقال ارجعك للبيت , قلت وأنا مرتاعه لا بعد تخلوني لحالي في البيت افرض لو اموت , تنهد اخوي فيصل وقال : أوديك للمستشفى , قلت لا كل ما رحت لللإسعاف طعنوني من ذا الإبر المضادة للتطريش وقالوا لي قومي إنتي دلوعة ما فيك شئ .قام ناظرني اخوي فيصل نظرات ياهي معبرة ورفع جوالة ودق رقم وقـــــال : الوو ..لو سمحت موعد اليوم ضروري للآنسة لميـــاءعند د. فلانة إستشارية الطب النفسي ..خلاص أوكي اليوم ..أوكي ..مع السلامة
طيّرت عيوني وقلت وأنا أنفخ شوي يعني : خيــــــر إن شاء الله ..والله من جدك إنت مستحيل منيب رايحة ..ما بقى إلا هي لمياء تروح طبيب نفسي ..
وقّف أخــــــــوي السيارة على جنــــــــــب و مسك يدي وأخذ نفس عميق وقالي كلام كان أحلى كلام أسمعه من أخوي : لميــــــــــاء أنا ما عندي استعداد يقعد قلبي كل يوم يتقطّع عليك ..والله يالمياء ما أستحمل أشوفك تعانين وأقعد أتفرج عليك ...لمياء حتى في عملي عقلي يكون مو معي معك يالمياء (طبعا ذلك راجع لأني دائما ما أشكي إلا لأخوي فيصل أخي الأكبر :D) ((شوفوا الكلام لين هينا حلو ..بس يوم قلت ميده : منيب رايحه يا فيصل طيب على الأقــــل كان حجزت عند أخصائية نفسية أهون من طبيبة نفسية )) ........وقّف شعر راس أخوي :لميــــــــــاء من جد تراك أقرفتينا في حياتنا ....شوفي اليوم إنتي رايحة يعني رايحة ................انتهى النقاش نزّلني في الجامعة وراح هو لمقر عمله ..
__________________________________
جاء الموعد المنتظـر كان المغرب ويسحبني اخوي ويركبني السيارة وأمي سألته وين بتروحون قال لها بأوديها السوق ((كذبة بيضـــــــاء :)) لأن لو درت أمي عن مشواري هذا كان عز الله ما رحنا ...........ونمشي في الطريق والسكون والسكوت مخيّم علينا .....ما صبرت عاد أنا فقلت :
فيصل ممكن تتلطم عشان ما أحد يعرفنــــــا ....رد علي : لمياء ترى بأصطرك كف وين إنا رايحين !!!!

ونوصل العيادة ويحطني وأنزل وقعد ينتظرني برة .....دخلت للعيادة كني يتيمة خايفة وحالتي حالة بس في نفس الوقت كنت مبسوطة شوي ما أدري ليش ؟؟؟.....وأسجل البيانات وأجلس في غرفة الإنتظار وأنا خــــااااااااااااااااااااااااايفة كنت أخاف إن وحدة من ذولا اللي ينتظرون معي تقوم تنط علي تضربني ولا تذبحني ((الحمد لله يا إني كنت خبلة ..والله لو إنه مستشفى المجانين )) ..................
وجــــــــــا دوري ونادوا اسمي ...في لحظتها معاد أدري وين قلبي راح وطريقي صار أسود .....وأدخل على الدكتورة ......واقعد أصيييييييييييييييييييييييييييييييييييييييييييح وأصييييييييييييييييييييح بس والله دكتورة كانت حبوبة وأخلاق والتمست فيها الخير شرحتلها مشكلتي وكل شئ في قلبي طلعته .....طمنتني سولفت معي شوي ..يا ســــــلااااااااااااااام حسيت في أحد يفهمني ويحس فيني ....
رسمت لي خطة في العلاج أولها تبدأ بإزالة تلك الأعرض بالإستعانة بالله طبعا ثم بسيبرام و زنكس ...................
والله بعد 3 أسابيع بس طلعت على أهلي ذيك المغربية وحضني كله كتاكيت وجلكسيات وباونيات وعصيرات وأقعد وأقحن معهم ذيك القهوة وأضحك ذاك الضحك ....أمي بلّمت أبوي إرتاع : وين يالميــــــــاء وين الضحكة الحلوة هذي من زمــــــــــان , تحمست أمي وقالت :ألاحظك ذا الأيام متحسنة يا لميـــــاء شفتي يا حبيبتي بلا طبيب نفسي بلا يحزنون هذاك يوم ساعدت نفسك طبيتي ....تبادلت أنا وأخوي فيصل نظرات مضحكة واستطرد أخوي وقال : يمه هذا بفضل الله ثم بفضل الطب النفسي الله يعافي من أسسه وتعب عليه ..........................

وعشان تكون النهاية سعيدة صح ضمتنــــــــــــــي أمي في أحضانها وسالت عبراتها وقالت : والله يالمياء يا حبيبتي لو إني دارية إنك بتتحسنين بهذي الطريقة كان من زمــــــــــان وديتك........................

وهذه قصتي يا جمـــــــــــــاعة والحمد لله الدواء الى الآن وهو يشتغل فيني
لك الحمد يا ربي ..................
تحيــــــــاتي للجميـــــــــــــــــع ...وأتمنى إني ما أغيب عنكم كثيــــــــر