نفساني - عرض مشاركة واحدة

14-05-2007, 06:41 AM

السلام عليكم ورحمة الله وبركاته

ابني البكر عمره 4 سنين .. والحين هو روضى أولى.. وهو في نفس المدرسه اللي فيها ولد اختي وبناتها..

ولدي ولله الحمد طفل مطيع ومؤدب والكل يحبه.. بس من دخل المدرسه تغيرت تصرفاته.. وهو يروح للمدرسه ويرجع مع ولد اختي وهو ولد شقي وعنيد .. وبنات اختي فيهم نفس الطبع بعد..

بس بسبب ظروف عمل زوجي ما يقدر يوصل ولدي للمدرسه فا ولدي يروح مع اطفال اختي .. المهم في بعض الوقت سايق الوالد يوصلهم واغلب الأوقات زوج اختي هو اللي يوصل الأولاد المدرسه..

ولدي كان يحب زوج اختي ولكن مع مرور الوقت بدأ يكرهه ما اعرف ليش ..ومن يسمع صوته يخاف ويهرب منه .. وكل مره يقولي انا ما احبه .. قولي لبابا يضربه انا ما احبه .. والله قلبي يتقطع على ولدي .. ولدي ما شاء الله عليه إجتماعي ويحب الناس شو صار فيه ليش يكره هذ الإنسان ومن يسمع إنه هو اللي بيوصله المدرسه يتم مرتبك ويكون خايف.. لدرجة ان اليوم قال لي ماما سوي شعري حلو للمدرسه وحطيت له جل في شعره ومستانس عشان اصدقائه بيشوفونه .. ولكن من سمع اسم زوج اختي انه يمكن يوصلهم قام وخرب شعره .. وقال لا بس مابغي ما ابغي جيه..

انا كم مره حاولت اعرف منه سبب خوفه .. يقول لي انه يعصب عليه .. بس انا حاسه مب هذا السبب لانه عم ولدي اذا ولدي غلط يعصب عليه بس ولدي وايد يحبه وما قد قالي ما احبه ..

قولوا لي اشوف ولدي يتغير و يخاف وهو ما كان جيه شو الحل كيف اعرف شو بالضبط اللي صاير .. وليش هو يكرهه ويخاف منه لهذه الدرجه؟؟!!!!

هذا الموضوع وايد مضايقني انا وزوجي ومب عارفين شو الحل ..

يا ريت تساعدوني في حل مشكلة ابني ..

جزاكم الله كل خير...

المصدر: نفساني