جمرة وفاء

بيانات اضافيه [ + ]

رقم العضوية : 21197  تاريخ التسجيل :  09 2007  أخر زيارة : 25-05-2008 (04:18 AM)  المشاركات : 33 [ + ]  التقييم :  10

لوني المفضل : Cadetblue

رحلتي مع اللقيط

كانت الرحله لمدة4شهور مع هذا اللقيط (م .ع عمره 7سنوات)


كانت رحله مؤثره كنت احيانا ارجع للبيت ابكي من اللي اشوفه واحسه واقراه بعيون ناس مظلومين كل ذنبهم ان اهلهم ناس ماعندهااخلاق ولاضمير كان فيه اطفال ومراهقين من اعمار مختلفه بس النظره هي النظره

صدقووووووووووووووني نظرة المحروم غييييييييييييييير




كنت الاخصائيه النفسيه المشرفه على( م.ع) كان يعاني من اضطرابات سلوكيه عديده

عدوان_عناد_سرعة الاستثاره لاتفه الاسباب..........الخ قائمه لاتنتهي

كانت علاقتي معه بالبدايه متذبذبه اول يوم رأيته بالدار كان يقف بعيد ويبادلني النظرات كان ينظر إللي وفي نظراته تساؤلات جا عندي قال انتي مين؟

قلت انا صديقتك جايه اسلم عليك ابتسم وراح يقول للاخرين من الاطفال بفرح


ومع مرور الوقت ومع اهتمامي فيه تعلق فبني وتعلقت فيه واليوم اللي اتغيب فيه يجي يعاتبني بزعل اكثر شي كان يعور قلبي لما يجي يضمني حييييييييييييييييييييييل ويقول انتي ماتروحين وتخليني زي فلانه (الاخصائيه اللي قبلي)كنت اكتم عبرتي واضمه بألم لاني عارف ان الايام راح تبعدني عنه ومارح تنتهي سلسة الفراق بحياته لاني كنت متدربه لفترة 4 شهور وبعدها راح اتخرج واترك هذا المكان


كان محروم اقوله حبيبي ايش اجيب لك بكره قال اندومي وبيبسي تخيلووووووووووا!!!

(المشروبات الغازيه ممنوعه) عندهم الاطفال ويبي يروح للملاهي ويشتري العاب بات مان وسوبر مان وغيرهم ويبيني انام عندهم في الدار كثير طلبات قالها او بالأصح احلام تمناها.................................

التصرف اللي دائما مستمر عليه الضم لما يضمني يضمني بصمت وكأنه يبي يتشرب كل الحنان اللي بقلبي ويحطه في قلبه ليحس بدفء المشاعر والامان..

وجاء يوم التخرج يوم الفراق كنت اتصل على صديقاتي ضايقه فيني الدنيا واقول اني احس بالذنب لأنه حبني وفجأه اتركه هو مو فاهم انا وشو دوري عندهم فاهم اني وحده اعطف واحن عليه وبس..

كيف يستوعب ويتكيف مع الوضع الجديد وانا برضو الله اعلم بحالتي وقتها

مر ذلك اليوم بحزن مااحب حتى اتذكر ذيك النظره اللي في عيونه نظرة لييييييييييييييييييييييييييييه بتتركيني؟؟؟؟؟

طبعا مرت شهور وانا في ألم وتساؤلات مريره واقول لوكنت في مكانه وعايشه حياته شلون بعيش في دار مااعرف احد برى هالدارلاام ولااب صحيح انا ابوي متوفي من زمان بس امي معوضتني هو من له يعوضه.....؟


واللحين اللي مصبرني اني اكلمه بالتليفون ومسموح اني ازوره وانا بزوره في العيد انشاالله وياليت كل واحديقدر يزور هاذي الفئات يزورها لانهم يحبون الناس اللي يزورونهم

وياليت لوتجيبون لهم هداياللعيد تفرح قلوبهم ومنها تكسبون اجر...





كل انسان مرت مرحله بحياته ماينساها..
((((اكتبوا لي عن مرحله في حياتكم ماتنسونها)))



تحيااااااااااااااتي

المصدر: نفساني