بسم الله الرحمن الرحيم
السلام عليكم ورحمة الله وبركاته
بداية من لايشكر الناس لايشكر الله
يعطيكم الف عافيه اخواني واخواتي على الجهود التي تقومون بها
وجعله الله في ميزان حسناتكم
اخواني اسمحولي ان ابدأ بطرح مشكلتي اللتي تتكون من شقين
الشق الاول
اولا انا من الكويت وعمري 18 سنه
مشكلتي بالظبط مع الدراسه
انا دائما متفوق في الدراسه
لــكني دائما وقبل دخولي للمدرسه في الصـباح احس بضيقه كــبيره
احس اني مسجون حتى في الليل اللي قبل المدرسه
يجيني نفس الاحساس
ويبدأ ابليس يوسوس لي بالغــياب عن الدراسه
وهذا الشـي ضيع علي سنتين من عمري لاني بأحد السنوات
صار غيابي كثير جدا فــ من الطبيعي اني ارسـب واعيد السـنه
مع العلم اني ارجع واتفوق بالسنوات اللي بعدها
والشي هذا حصل معاي مرتين
لـكن السـنه هذه تطبق عندنا نظام تحصيل الدرجات
وكل غياب ينحسب من مستقبلي
وانا كثير الغيابات حاليا وحالتي نفسها مافي ود مع المدرسه مع اني لو انتظمت متأكد اني راح اتفوق
والحين تراكمت علي كثير امور دراسيه ومو عارف الحل
مع العلم اني لو انتظمت راح اتضايق اكثر واكثر ويمكن اوصل لمرحله اني اطلع من الدراسه كلها
الشــق الثـاني
الشق الثاني مو بعيد عن الاول
بيومي العادي بعيد عن المدرسه تراودني ضيقه
واحس الكون يصغر علي مافي مكان اروح له ومافي احد اكلمه
وتزداد الضيقه كلما اشوف النهار يروح ويبدأ الليل
وابدأ افكر بمستقبلي ودراستي
او افكر بنفسي وبمشاكل صارت معاي
وتزيد معاي الضيقه واشوف الناس كلهم احسن مني
احس مافي انسان بالدنيا مهموم كثري
صرت ادقق حتى على اللي يضحك مرتاح واقول يابخته !!
مع العلـم اني مو وحيد عندي اخواني
ان شاء الله اني اكون شرحت بإسهاب
واتمنى اشوف نصائحكم يا اخوان لاني جدا محتاج لها
والسلام عليكم