نفساني - عرض مشاركة واحدة

23-05-2008, 06:54 AM

إخوانى وأحبائى الأعزاء ...

أسعد الله أوقاتكم جميعاً ....

من بيئتنا المصريه ؛ ومن على ألسنة شعبنا الطيب الأصيل؛

اخترت لكم مجموعه من الأمثال الشعبيه الدارجه ......

أرجو أن تنال اعجابكم ......

· ابن أدم فى التفكير والرب فى التدبير

· أبو جاموسه يحسد أبو معزه

· أبو مِيَّه يحسد أبو دِفيَّه

· احيينى النهاردة وموتنى بكرة

· ادلعى ياعوجه فى السنة السودة

· ادينى النهارده صوف وخد بكرة خروف

· اعمل المعروف وارمية البحر

· إقلب القدره على فُمها، تطلع البنت لأمها

· اقول تور يقول أحلبوه

· أنا وأخويا على أبن عمى وأنا وأبن عمى على الغريب

· أهى ارض سودة والطاعم اللة

· الأيد اللى ماتضربش تستاهل قطعها

· أيد واحده ماتصقفش

· بارك الله فى المرأة الغريبة والزرعة القريبة

· البحر ما يتعكرش من ترعة

· البركه فى اللمة

· البركه فى كتر الأيدى

· بصلة المحب خروف

· البقرة بتولد والطور بيحزق ليه ؟ قال : أهو تحميل جمايل

· البيت بيت أبونا والغُرب يطردونا

· جحا أولى بلحم طوره

· جحا طلع النخلة خد بلغته معاه

· الجعان يحلم بسوق العيش

· الحاجة اللى ماتهمك وصى عليها جوز أمك

· الحبس ذل ولو فى جنينة

· حبيبك يمضغ لك الزلط وعدوك يتمنى لك الغلط

· حداية من الجبل تطرد اصحاب الوطن

· خد الأصيلة ولو كانت على حصيرة

· خدوا من فقرهم حطوا على غناهم

· داخل بيت عدوك ليه قال حبيبى فيه

· الرفيق قبل الطريق

· السعد وعد

· سلاح الضعيف الشكية

· ضمة قبر ولاضمة عدو

· العاجز فى التدبير يحيل على المقادير

· الغربة مره

· الغريب أعمى ولو كان بصير

· الفرس الهادية يتنتف ديلها

· قالوا أمتى يا جحا تقوم القيامة قال لما أموت أنا

· قالوا بلدك فين ياجحا قال اللى مراتى فيها

· قالوا ياجحا عد الموج قال الجيَّات أكتر من الريحات

· القفة أم ودنين يشلوها اتنين

· قليل البخت يلاقى العضم فى الكرشة

· قيراط حظ ولافدان شطارة

· الكتره تغلب الشجاعة

· كله قسمة ونصيب

· لقمة هنيَّة تقضى ميَّه

· اللى قيدنى بيفتل لك

· اللى ياكل لوحده يزْوَر

· اللى يبص لى بعين أبص له باتنين

· اللى يربط رقبته بالحبل كل الناس تجره

· اللى يرشك بالميه رشه بالدم

· اللى يعمل ضهره قنطرة يستحمل الدوس

· مراية الحب عاميه

· مسير الغريب يروح لبلده

· من خرج من داره أتقل مقداره

· من رادك ريده ومن طلب بعدك من الجفا زيده

· وأجرى جرى الوحوش غير رزق ماتحوش

· يا بخت من وفق رأسين فى الحلال

· يا فرعون مين فرعنك قال مالقيتش حد يردنى

· يوم النصر مافيهش تعب

المصدر: نفساني