ام احمد

بيانات اضافيه [ + ]

رقم العضوية : 2272  تاريخ التسجيل :  08 2002  أخر زيارة : 04-05-2009 (01:16 AM)  المشاركات : 366 [ + ]  التقييم :  10

لوني المفضل : Cadetblue

بسم الله الرحمن الرحيم

اخي عبياني كيف حالك .. انشاء الله بخير..

اخي .. والله ما ادري وش اقول لك .. لكن جزالك الله الف مليون وزليون خير..

طمنت قلبي وريحت بالي من ناحيه الادويه...لكن ::: طيرت نومي البارحه!!!!

تدري ليش؟؟؟ من الجرعه اللي تاخذها !!كان الله في عونك !!

اول ما قرات الجرعه شههههههقت .. حطيت ايدي على راسي .. معقول!!!

وانا اللي خايفه من حبه ونصف .. سيروكسات...

اخي ..حاول فيني الدكتور على حبه ونصف بس انا كنت خايفه .. وما رضيت الا بحبه واحده

ما اقول اني مرتاحه 100% اكذب ..

لان المشكله الحين مو في الاكتئاب .. لا

تطلع علي بعض الاعراض .. والله ما ادري وش هي

بس انا بوصفها وانت حللها وقول لي وش تتوقع.. معليش اخي اتكلم معاك بالعاميه الحساويه

تقدر تقول شوي زغلله في العين ... حركه غير اراديه في العين

بعض الاحيان جفاف في اللسان .. يعني كأني شاربه سائل ساااااااااخن مرة

صداع يجي فجأه ويختفي فجأة لمدة دقائق .. هذا يزيد اذا كنت متوترة


احس كأن جسمي من الداخل فيه كهربه .. يهتز

احس كأن اعصابي مرتخيه مرة ومشدوده مرة

تجي موجه خوف غير مبرر ..

قلق.... هذه الاعراض مع حبه سيروكسات وحبه بوسبار لكنها خفيفه مرة.

يعني بعض الاحيان احس اني طبيعيه على الاخر.. لكن هذا نادر

لا يوجد اكتئاب مع هذه الاعراض .. وش تفسرها؟؟؟

تجربتي مع ربع حبه راح اقولها مرة ثانيه...

اخي .. تعرف النشرة الجويه اليوميه .. انا بسوي نشرة مزاجيه يوميه .. ههه

وش رايك..
ــــــــــــــــــــــــــــــــــــــــــــــــــ ـــــــــــــــــــــــــــــــــ
نرجع حق موضوعنا .. الرحله مع الاكتئاب...

وين وصلتي يا ام احمد... هذا طبعا مو اسمي

إي وصلنا الي الطفل الثالث...

قلنا .. .شرفت .. عدم الثقه بالنفس ..

كنت اسأل زوجي .. ما ادري ليش احس اني مقصرة في واجباتي اتجاه الاولاد والبيت

ما اخفيك اخي .. الرجال استغرب.. هو انسان صريح جدا وقال

ابدا !!! بالعكس .. كل شي احسن من ما يكون..

قلت ليش اشعر بهذا الشعور ...؟؟؟؟

قال يمكن من حرصك على الاولاد ..

ما جازت لي الاجابه لكن سكت...

الحين لم ا حلل هذا الشعور .. اقول يمكن هذا اللي يسمونه تأنيب الضمير!! وش رأيك اخي ؟؟

المهم .. على ما اتذكر.. كنت في عز المعمعه .. (كلمه حساويه اكيد فهمت معناها )

3 اطفال صغار .. ما عندي احد يساعدني .. زوجي مشغول .. اهلي في بلد ثاني

بيني وبينهم بر وبحر .. بعدين صار في الجسر...الحمد لله!!!

المهم .. صار العارض اللي ملازمني على طول تقريبا هو الم جهة القلب وثقل في اليد اليسرى

مزاج كئيب خاصه اول ما اصحى من النوم

كنت مستغربه وش هالي احس فيه ..

يستمر الالم شهور متواصله .. بعدين بدون ما اشعر يختفي

ويرجع مرة ثانيه .. يعني بعد فترة والله ما اقدر احددها ..

يمكن على ما اتذكر كنت اشعر اني طبيعيه مده شهرين اكثر اقل

ظليت اخي تقريبا 3 او 4 سنوات على هذه الحال

الالم يروح ويرجع .. اكتئاب خفيف .. وانا اقول هذه نتيجه الالم اللي في صدري

لكن ما كنت ادري وش سبب هذا الالم .. واستهين ما اروح للدكتور .. استتتتتتتتتتاهل اللي يجيني

كأني طولت عليك اخوي..

إي اخي .. بما ان لا حياء في الدين .. السبب اللي خلاك تترك السيروكسات

يصيب النساء ايضا....

فيني اسأل اخي سؤال .. لك مطلق الحريه في الاجابه ... كم عمرك ؟؟؟

ابغي اقول لك بعد ان انا مع الاخت بداده في كل كلمه قالتها !!!عن موضوع الخمر.. ننتظر التكمله

حسيت ان هذا لسان حالي اللي يتكلم .. والله على ما اقول شهيد

لكني سبق وقلت اني ضعيفه في التعبير..

وللحديث بقيه..