نفساني - عرض مشاركة واحدة

16-10-2008, 01:38 PM

السلام عليكم ورحمة الله وبركاته.

حكاية جدتي الثالثه

في احدي ليالي الصيف الحاره واثناء جلوسنا في جلسه عائليه قرر والدي العزيز ان يأخذنا برحله الى الدول العربيه مرورأً بالسعوديه ثم الاردن وسوريا ولبنان والعوده مرة اخري على نفس الطريق وقد تحمسنا للرحله واخذ كل منا يشتري اغراض السفر من ملابس وخلافه ( لزوم السفر ) وبعد ان قرب موعد السفر بالسياره واثنا ركوبنا السياره وتحركُنا من منزلنا وقبل وصول نقطة الحدود وقف الوالد فجأه وطلب من اخي الكبير ان يدقق على جوازاتنا واثناء التدقيق اتضح كل شي تمام ماعدا جواز جدتي منتهي من سنتين مع العلم انه فاضي لايوجد به اي ختم وهنا كانت الطامه الكبري ( شر البلية مايضحك ) قد يقول البعض عادي ارجعو وجددو الجواز يوم او يومين ويستخرج الجواز , اقول نعم يوم او يومين هذا في الوقت الحالي ولكن قبل غير ,والادهي من ذلك ان البيانات على الجواز غير واضحه بسبب الرطوبه من التخزين وحتما سيكون هناك تحقيق ,لماذا وكيف ومنذو متي ومن وهلم جرااااا.واخذنا نتغامز ونضحك فينا من يقول اتروكها عند الجيران ونحن نذهب وفينا من يقول لا انا لا ترك جدتي وفينا من يقول خيره ماهي مقسومه وكلن يفتي من عنده . المشكله الان كيف نفهم جدتي او ماذا نقول لها .
وعندما رجعنا من الطريق وغيرنا اتجاهنا انتبهت جدتي وقالت مابكم فقلنا لها ان وثيقة السفر الخاصه بك منتهيه ولا تستطيعين السفر ....
تعال عاد فهمها وهي ماتدري شنو وثيقة السفر ولا الجواز .
قالت ليش ماسافر ماتبوني اسافر معاكم .قلنا لها لا جوازك منتهي .قالت بس انا زوجي متوفي من زمان وانتو تدرون هذا مايخفي عليكم ........... فعلاً شر البلية مايضحك . قلنا لها ياجده زوجك غير جوازك وان شاء الله راح انسافر بعد بعد مانجيب لك زوج جديد اقصد جواز جديد ..وهنا بدأت حكاية جدتي
قالت الله على ايام زمان اللى نسافر بدون اوراق ولا فيه حدود رسميه بس مراكز عاديه ونمر عليهم ونسلم ومايقولون شي من الشرق الى الغرب ومن الشمال الى الجنوب ولافيه تعقيد وتسجيل واكراميات وعطني ولا اعطلك وافتشك كانو على طول من نمر عليهم اشرو اطلعو بس المهم انك تمر عليهم .قلنا ياجده هذا ايام زمان اللحين اكثرو المهربين والحراميه واللى مايخافون الله لازم يحمون الحدود . قالت من منه يحمون الحدود حنا لامعانا اسلحه ولا معانا جيش واسرائيل بعيده عنا عسا الله ينتقم منهم .
بس بس بس جدتي لا توهقينا وتتكلمين في السياسه تري مايعطونك جواز بعدين ويقولون عنك ارهابيه .وهنا اسكتت جدتي