المشاركة الأصلية كتبت بواسطة المعتبر

اختي همس انثى
تدرين يا ختي الغاليه انك سويتي خطا في حق نفسك
اختي اذا انتي تبغين تتخلصين من الهلع وناويه هذا الشي من قلبك ( طبعا كل انسان يبغى يتخلص منه ) عليك ياختي الغاليه باحتقار الهلع ومقاومته
الخطا اللي انتي سويتيه انك مارحتي للسوق ولا اشتريتي اغراض العيد بسبب الهلع وهذا هو الخطا اللي سويتيه
اختي لا تخلين الهلع يمنعك من شي تبغين تسوينه ابدا ابدا
واحب اطمنك واقول والله اللذي لا اله الا هو لو رحتي للسوق ماراح يصير لك اي شي
اختي انا اكلمك من واقع تجربه
انا في البدايه كان الهلع يمنعني من الذهاب للبقاله
اذا ركبت السياره احس بدوخه واحس انه بيغمى علي وافكار مرعبه واحساس بغيض بالاواقعيه
فكرت مع نفسي شوي وقلت الين متى
وصرت اجبر نفسي على الطلعات لدرجة اني خيمت مع خوياي في البر
في البدايه كانت المحاوله صعبه شوي ثما حبه حبه الين صارت الطلعه عندي احلى شي
اختي همس اطلعي روحي لا يمنعك الهلع من اي شي
وعليك بالماء المقري فيه شربا واستحماما
وباذن الله راح ترجعين طبيعيه مثل اول
وهذا مو كلام من راسي او كلام علمي هذا كلام انسان جرب وقاسى الام الهلع
وراح تتذكرين كلامي هذا
وعقبال ماتكتبين لنا وانتي بالف صحه وعافيه
اسال الله العظيم رب العرش الكريم ان يشفي جميع مرضى المسلمين