نفساني - عرض مشاركة واحدة

20-07-2009, 10:00 PM

اسعد الله مساءكم بكل خير واتمني للجميع الصحة والعافية

اعذروني علي الاطالة في شرح قصتي امس ادري اني طولت عليكم في سرد

تفاصيل دقيقة ولكن صدقوني كتبتها وانا استرجع هذة النوبة التي غيرت

مسار حياتي كليا امام نفسي واهلي وامام الناس جميعا .

اواصل لكم حديث قصة نوبة ......

قلـــــــت لكم في السابق انني كنت اتوقع انها سكتة قلبية اعوذبالله

واخوي اصابتة الدهشــــــــة هو والممرضات من حالتي يقولي : اصبر اصبر

وانا اقولة: وين ارتاح واصبر وانا حالتي بهالشكل فعلا اصابتني حالة هستيرية

ماعرف اوصفها والله يااخوان ( ضربات القلب عنيفة جدااااا)

استمرت معي هذة الحالة لمدة ســـــــــــــــــاعة كاملة بس اي ساعة الله لايوريكم ذاك اليوم ؟؟

كنت ادعي الله سبحانة يالله يارب انك تعديها علي خير ياااااارب لاتخليني

بديت اتذكر تقصيري بكل شي في ديني ودنياي صلاتي ماصلي الا في البيت ماروح للمسجد كانت فية امور ثانية كنت مقصر فيها

بعــــــــد مرور ساعة وانا علي حالتي هذي من الخوف والرعب والاعراض
اللي ذكرتها

طبعا نسيت لااقول انة الدكتور اعطاني حبة لونها احمر بعد مادخلت العناية بربع ساعة .

خفت الاعراض تدريجيا دقات القلب وضيق النفس ,,

خرجت من غرفة العناية وانا لااعرف افسر كل ماحدث مستغرب ؟؟؟؟؟؟؟

شــــــنو هاللي صار ؟؟؟؟؟؟؟؟؟ رحنا للدكتور انا واخوي وسألتة طمني

يادكتور ؟؟ ليش صار فيني كل هذا ................؟؟

قالي ممكن جلطة بالقلب وعدت ..............!!!

من سمعت جلطة احس الدنيا بالنسبة لي غير جلطة مـــــــرة وحدة ووين

بالقلب قلت للدكتور انت تمزح اكيد ؟؟ قالي ياابني انا ماامزح معك هذا تخمين

قلتلة يادكتور تخمــــــــــن علي (قلبي) قالي هدي نفسك يابني انت متوتر

وروح للمختبر ياخذون عليك تحليل دم حتي نشووف فية جلطة ولا لا ؟

رحت انا واخوي وسويت التحليل وطولت النتيجة ...!! كنت قاعد قدام باب
المختبر ابي اي خبر او نتيجة ؟؟ تطلع .

طولت علينا النتيحة وتهاوشت مع المختبر كلة اعصابي كانت تعبانة واخوي يهدي فيني يقولي شفيك هذا تحليل عااادي وانا اشوفة واقولة تحليل قلب عادي؟؟؟؟

طلعت النتيجة واخذتها وبسسسسسسسسرعة لغرفة الدكتور .

شاف التحليل ويقلبة ويشوفة وانا رجولي ماتشيلني من الخوف والرجفة

والريق نااااااااااشف كاني جاي من صحراء واركض فيها حالة .....!!

رفع راسة الدكتور وقالي مافيك جلطة الحمداللة ..

قلتلة اكيييييييييييد يادكتور متأكد مافية شي قالي: اكيد روح لبيتكم

هذا من التدخين و الشاي و القهوة و السهر ماعندي تفسير ثاني..

رجعت انا واخوي البيت وكان الصباح طلع والناس رايحة شغلها وانا

في عالم ثاني كنت حزيييييييييييييييييييييييييييييييييييييييييييييييي يييييييييييين

شعور بعدم الاطمئنان عدم رااااااااااااجة تفكير قلق كل شي فية حزن وتفكير
سلبي كنت افكر فية .

وصلنا البيت ورحت للغرفة وانا في قمة الخوووووووووووووووووووووف

رعــــــــــــــــــــــــــــــــــــــــــــــب من هذة الحالة تفكير فيها ؟؟

بعد محاولات استطعت النوم من التعــــــــب والارهاق الشديد الذي عانيتة!!!

قعدت علي الفطور ورحت اكل مع ابوي الله يحفظة واخواني في الدوانية

وسألني الوالد وشفيك امس قلتلة تعبت شوي قالي انت ماتنام وتسهر

كان مايدري بالتفاصيل قلت بقلبي ياليت كانت علي السهر بس ياليت هذي السالفة ..!!

ماقدرت اكل الفطور نفسي منسدة اشم ريحة الاكل تلوع كبدي.... !!!!!!

بعد صلاة التراويح .... جاني الم الم قوي جدا في المعدة احس

سكاااااااااااكين تقطع بطني غثيااااااااااااااااااااااااااان دوووووووووووووووووخة

مع صدااااااع رحت للطبيب وعطاني علاجاااات ابلع ابلع منها

ماكو فايدة اللم معي علي طووووووووول يخف شوي ويزيد اكثر شوي

لووووووووووووووووووعة من الاكل
الم في المعدة

ضعفت كان وزني ( 87 ) كيلو واصبحت >> ( 70 ) كيلو ...

في مدة قصيرة جدا .... حتي كان واحد من ربعي يسوي رجيم وزنة فوق 100

قالي يحظك شمسوي ونزلت وش هالرجيم هذا قولي علية تكفي ؟؟
قلتلة الله يبعدك عن رجيمي اللي انا فية .............. !!!!!!

المهم ........ قالي اخوي لازم نوديك عند دكتووور شااااطر يعرف

شنو اللم اللي في بطنك واللوووووووعة وهالدوخة
والحالة اللي جتك في المستشفي دقات قلب وضيق النفس وكل شي

اتفقوا اخواني يودوني عند د. مســاعد العصفور طبيب جهاز هظمي

عندنا في الكويــــــــــت وسمعوا انة شاااااااااااطر والناس تمدحة

رحتلة وشرحتلة حالتي واخذ مني فحوصااااااااااااااات كثيرة منــــــــــها

دم واشعة ومنظــــــــار للمعدة و منظــــــــــــار للقولون وتحليل بول وبراز

اعزكم الله ؛؛؛؛

واخيراااااااااااا رحنا للدكتور بعد 3 ايام انا واخوي وسألة اخوي وش عندة

بالظبط يادكتـــــــــــــور ؟؟؟؟؟؟؟؟؟؟؟؟

قال : عندة جرثومة المعدة ( هليوباكتر بايلوري ) بكتيريا فقـــــــــط

ارتحت كثيييييييييييييييييييير وقلتلة كلة منها قال نعم ريحت اكثر واكثررررررر

اخذت العلاج مضادات حيوية واميبرازوال رايسك" وحبوب ثانية بعد

استمريت 14 يوم وماكو فايدة نفس الاعراض موجودة رحت للدكتور واعطاني

رايسك " 14 يوم وماكو فايدة وبدت اعراض جديدة حصلتلي منهـــــــــــــا :

- الم فظيييييييييييع في الجهة اليسري من الصدر يطحن الراس من التفكير

- الم في اسفل الظهر ؛؛؛
- برووووودة في الرجل اليمني
- دبابيس في الجسم كلة وخصوصا في الجبهة في الراس

وبعدها قالي الدكتور بعد مازهق مني فيك قولون عصبي !!!!

وكانت نفسيتة معاي 0 بعد مااخذ 300 د.ك وخلص مني تركتة وطلعت من

عيادتة وامشي بالسيارة وانا غريب في هذي الدنيا

دعيت الله سبحانة بانة يفرج عني هالمحنة اللي دمرت حياتي واصبحت هائم ماداري وش اسوي ؟؟

رحت للبيت وصكرت باب الغرفة علي وكانت شقة في بيت الوالد لاني متزوج طبعا وبكيت ونزلت الدمعة وراء الدمعة وراء الدمعة

والسؤاااااااااااال (((((((((((( شنو فيني؟؟ شنو فيني ؟؟ ليش انا بهلحالة هذي

شنو المشكلة تعبت ياربي )))))))))))) طبعا رحت لدكاترة عندنا باطنية منهــم :

د. اياد الرويح د. عياد عسكر وماكو فايدة !!!!

اتفقوا ابوي واخواني باني فيني سحررررر او مس او عين او حسد والله اعلم

رحت لمشايخ كثييييييييييررررر واخذت زيت الزيتون وماء مقري وسدر للسبوح

وماااااااااااااااااكو فايدة )))))) نسيت اقول كنت مااطلع من البيت مارووح دوواوين جالس لحالي اخاف ابتعد من البيت اخااااااااف من قيادة السيارة اخاااااف جداااا من المسافات الطويلة حتي لوكان معاي احد !!!!

وانا سابقا العكس تماما اطلع واروح واسافر ومرررررررح جدا واضحك مع الجميع شخصية محببة للجميع .. والحمدلله

والدي كان يزفني يقولي انت نفس البنات قاعد بالبيت شفيك ماتستحي وانا مرتبك خااااااااايف والوالدة الله يخليها خااااااااااااايفة علي وتقول الولد فية نفس

مو طبيعي .... اتركوة .... والوالد الله يخلية لي كان يبي يشجعني للخروج من
البيت يبي يكسر الحاجز والخوف ؛؛؛؛

كم من المرات طلعت وجتني النوبة والغثيااااااان والدووووووووخة وسرعت للمستشفيات وقالولي مافيك شي حتي انهم عرفوني من كثر مااتردد عليهم
كم مرة وقفت عند باب المستشفي من كثر الخوف ......؟؟؟؟ وكم وكم وكم
ماخلص لبكرة لو اشرح وين رحت وجيت من عيادات ومستشفيات وستوصفات
ودكاترة سوا في الخاص او الحكومي معاناة طويلة ومريرة ومتعبة وحزينة !!!

كل ماشافني احد قالي وشفيييييييييك ؟؟؟ وانا يالمسكين ماعرف شنو فيني
من الحسرة كنت ابكي مثل الطفل كدت اجن شنو اللي فيني ليش تغيرت معقولة سحر معقولة عين اوحسد او مرض بالقلب اوجلطة او ضغط وسكر
بس محد عارف من اللي جيتهم يمكن ورم في الدماغ يمكن سرطااان مخفي بالدم ويمك ويمكن .................... ؟؟؟؟؟؟؟ كنت مسكين يومها اصعب حتي علي العدو !!!!

استأذنكم وراجع واسمحولي علي الاطالة ادري طولت حييييييييل لكن الكلام يطلع غصبن علي

>>>>> جهراوي >>>>>