نفساني - عرض مشاركة واحدة - أبي انتحـــــــــــــــــــر ساعدوني مالي الا الله ثم انتم تكفون....

28-07-2009, 02:50 AM

اختي دانا
سؤال بسيط قبل كل شي
متى بداتي تحسي بالانتحار ؟
هل صار لك موقف يخليك تفكري بالانتحار ؟
واذا صار لك موقف وبعده صارت تجيك هالافكار فاذكريه ماهو اذا امكن؟
ومن اسباب تفكيرك بالانتحار هو الوحدة وانه العقل مافيه هدف معين
بسالك هل تحسين انه عقلك فارغ مافي شي تعملين لأجله ؟
هل تحسين انه العالم وكل شي حولينك ما يسرك او يمتعك او على الاقل يخليك تعطينه قيمه ؟
اذا حاسه بهالامور فانتي محتاجه لتحديد هدف ما
ايش هو الهدف انتي حدديه سواء كان قصير المدى او بعيد
وحاولي انك تنشغلي فيه
وابني هدف فوق هدف وخلي عندك عده اهداف
لكن الآن ركزي على هدف واحد فقط واعملي لأجله خاصه في الصيفيه هذي
مثلا فكري في الزواج اذا كان عمرك مؤهل لذلك وابداي خوضي في عالمه وكلمي اهلك عنه
او انك تفكري في شغله بسيطه في الصيفيه هذي تقدري تستفيدي منه من الناحيه المادية ومن ناحية الخبره في مجال جديد
ادخلي اي عالم تحبيه او اي موهبه جديده ناويه فيه
واذا كان عندك موهبه حاولي انك تطوريها
واذا حالتك ما تساعد فارجعي للمواضيع الي كتبتها وان شاء الله تخفف عليك
لكن في نظري من وصفك لوضعك انه الموضوع يتعلق بالوحده فما ادري هل انتي بتعاني من الوحده حاليا ؟؟؟؟
وصدقيني الحياة جميله وحلوه واذا كنتي تعيسه يوم فمية يوم راح تكوني سعيده
ومافي مساواة بين اليوم والمية يوم
فضفضي لنا بلي عندك وان شاء الله تاخذي من عندنا الكثير ويتغير مزاجك اكثر واكثر باذن الله
لا تزعلي ابدا ولا تعصبي فما شي في هذي الدنيا يستحق كل هذا العناء وكلنا معاك يا اختي والي تعانيه كلنا بنعاني منه فلا خوف ولا حزن بعد الله باذن الله
ربنا يسعدك دنيا واخره ويشيل عنك همومك ويوفقك لما يحبه ويرضاه ويشفيك من كل داء ومرض آمين