نفساني - عرض مشاركة واحدة

31-07-2009, 12:58 AM

السلام عليكم
حياة وعيون بدوية و يا رب ارجوك
ليه التشاؤم ذا ؟
عشانكم بنات تتشاءموا ؟
يمكن وضعكم مخليكم تحسوا كذا بس لا يأس من يروح الله
بس عشان ابين لكم انه نور الامل اقوى من اليأس بمليون مره
حتى لو مافي احد معكم في هذي الدنيا بس في النهايه ربنا معاكم
ربنا رب السماوات والارض معاكم فلم الحزن والتشاؤم
انتم لو تخلوا ايمانكم بالله قوي صدقوني راح تحصلوا كل خير
قلت قبل كذا ومليون مره اقولها تفاءلوا بالخير تجدوه
عيون بدوية رب ضاره نافعه
ناس كثيرين فشلوا في حياتهم بس في النهايه نجحوا نجاح محد نجح مثلهم من قبل والسبب هو الفشل
الفشل سبب النجاح معليش صارت مره مرتين لكن صدقيني الثالثه راح تكون خير وغصبا عن اي واحد باذن الله
القيامه بعدها ما قامت فلا تيأسي ابدا
ما تدري انه الي صار لك خير من ربنا وانه الثالثه باذن الواحد الاحد سعادتك في الدنيا والاخره
ان شاء الله باذن الله ربنا يرزقك بابن الحلال الي يحبك ويخليك بعيونه وكل همه وحياته هو انتي فلا تيأسي ابدا
بالعكس كل يوم احلمي بهذا الشخص وباذن الله راح يجيك بس انتي اصبري وادعي ربنا
مافي شي صعب على ربنا سبحانه وتعالى
انا دعيت لك فانتي اولى بانك تدعي لنفسك وان شاء الله ربنا يحقق لك كل امانيك
واختي يا رب ارجوك دايما كلامك تشاؤم
معليش انا مقدر وضعك بس ابغى ذره تفاؤل ممكن ؟
مافي احد يتفاءل معاك انا اتفاءل معاك
بس انتي اولى انك تتفاءلي بكل خير
ان شاء الله انتي بعد يجيك الي يحبك ويهتم فيك ليل نهار وان شاء الله يكون مصدر تفاؤل لك دايما
عشان كذا خليكي متفائله وباذن الله امورك تتيسر وما تخافي من اي شي لا من نوبات ولا يحزنون
صدقيني الي تبغيه راح يجيك
انتي تبغي فرح باذن الله يجيك فرح تبغي حزن راح يجيك حزن
بعد الله كل شي بيدك فانتي الي تختاري
ربنا يوفقكم لكل ما يحبه ويرضاه في كل خير