نفساني - عرض مشاركة واحدة

14-05-2010, 05:04 AM

انا مشكلتى فى السفر ...وفى انى اسوق العربية لوحدى

او اروح لأى مكان لوحدى .....يعنى عمرى ما أتخيل انى فى يوم من الأيام

ممكن أركب طيارة (دة أنا ممكن أموت فيها )ولا حتى مع أى حد ...واستحالة

اركب قطار .....ولو لوحدى فى البيت وعارفة ان جيرانى مش متواجدين

ولما أشوف الكعبة والزحام ...لا اتخيل انى ممكن اعمل عمرة او احج فى يوم

من الأيام ........لكن طول ما انا بعيدة عن الحاجات دى (مع العلاج ) بكون كويسة الحمد لله

طبعًا كنت قبل العلاج حالتى أسوأ من كدة كتير .....بس دى الحاجات اللى حاسة

انى مش عارفة اتغلب عليها ....وعلى فكرة ممكن لو حطيت نفسى فى الموقف

ما يحصلش حاجة ....بس بحس انى مشفقة على نفسى من الضغط عليها

يكفينى ما مريت به من معاناة .....فبقول أبعد عن الشر واغنى له ههههه

وبقول الحمد لله انى مش رجل مطلوب منه التزامات ,,,كانت هتبقى مشكلة

ربنا يشفينا جميعًا نساء ورجال ....آمين