السلام عليكم ورحمة الله وبركاته ،،

ابغى احكيلكم قصتي وهيا قصة حب اعيشها حاليا ..

مو غريبه ،، ابغى افضفض واحكيها لأحد

وابغى اسمع ارآئكم بكل صرااااحه .. انا جيت لكم وقلتها لكم لأني اعرف انكم

ما راح تجاملوني لانكم ما تعرفوني ،،




انا بنت عمري 16 سنه ،، قبل سنه ونص تقريبا تعرفت على واحد ..

فتحت ماسنجري لقيت اضافه وما قبلت وتكررت الاضافه اكثر من مره وقبلت

قابلته اول مره وكان ببالي انه بنت .. لاني عمري ماكنت افكر اني احب ولا اتعرف

على شخص ولا احب هالعلاقات .. تعرفت عليه وحبني وحبيته ..

بعد 5 شهور تقريبا طلب مني رقمي وعطيته .. بعد ثلاثة ايام من عطيته رقمي

دق عليا وكانت اول مره ماسمعت صوته من قبل رديت الا هيا حرمه استغربت

المهم طلعت هذي زوجته وكانت هذي صدمة حياتي طلع انسان متزوج وما قالي !!

مره انصدمت ومره كانت حالتي النفسيه سيئه .. كنت محتاره بين اني اجلس معاه

او اتركه .. احبه وبنفس الوقت هوا متزوج وما ابغى اخرب حياته وما راح يكون قلبه

ووقته فاضين لي .. وطلع عنده ولد .. وكان واحد لسى ببداية حياته مع زوجته ..

حكالي مشاكله مع زوجته يمكن ما صدقتها مره بس عشاني ابغاه واحبه غصبت

نفسي اصدق واكمل معاه كان حبي له اكبر من اني اتركه وكان رغبته وتمسكه فيني

بشكل غريب مايخليني اتركه .. مع انه لو هالوقت تركته كان احسن من اي وقت ثاني !!

كملنا مع بعض عادي .. سار يغيب كثير ويجلس يوم يومين مااعرف عنه شي

سارت مشاغله كثيره بحكم انه متزوج .. وغير كذا احس انه هوا برد شويا ماادري حبه برد

ولا ايش بالضببط ! بس ما سار زي اول .. تيجي منه تصرفات غريبه ! ماادري هيا

عشان مشاغله ولا هوا تغير .. انا ما اعرف اصارحه ابد وما اعرف اقوله شي ولا ليش

تغيب ولا ليش ما دقيت ولا اقدر اعاتبه ابد !!! لاني احس لما اقوله كذا كأني اضغط عليه

او كأني بموووت عليه وانا كبريائي ما يسمحلي وبنفس الوقت ما ابغى اضغط واكلف

عليه .. انا اعرف مشاكله هوا وزوجته وما ابغاه يطفش مني زي ما طفش منها

يمكن تصرفات زوجته اللي زي كذا طفشته!! الحين سارلنا سنه و 9 شهور ..

مشكلتي بالضبط معاه اني معد صرت اتحمل غيابه ولا اتحمله زي اول

احس اني بديت اندم اني تعرفت عليه واندم على موافقتي اني اكمل معاه لما

عرفت انه متزوج .. اهدي قلبي وما افكر بالموضوع كثير وانسي عمري بس خلاص

حتى الصبر بدى يخلص !! اكثر شي قاهرني انه ما قالي من البدايه انه متزوج !!


احس اني قاعده اموت موت بطيييييء .. صرت امرض كثير قلبي صار يتعب!!

ما ادري ايش اسوي !! انا ايقنت انه كذا ما راح يتغير ،، ماادري انا اللي المفروض

اتعايش مع الشي عادي او ادور حل او انهي العلاقه !!

ما اقدر اخلي الشي عادي ومااتوقع فيه حل ومااقدر اتركه !!!


انا جايتكم ابغى الكل يقول رآيه ويقولي حل اسويه ...!

قولو كل اللي عندكم ،، اتمنى اني الاقي حل على اياديكم ...

المصدر: نفساني