المشاركة الأصلية كتبت بواسطة الخنفر

السلام عليكم ورحمة الله وبركاته ,,,

اول نوبه هلع حاشتني ,,, وانا راد من عرس مارين صوب مقبره وقعدت افكر بالموت والله لايعيد هاليوم ان شاء الله لان حسيت روحي تبي تطلع حسيت في برد ورجفه موطبيعيه اللي يمي مسكين قام يرجف معاي من الخوف ,, وكنت يومها راد اشرب زقاير من عقب فتره طويله ,,, فا لمن رحنه عند الدكتور قالي هذا من الزقاير النكوتين دش في جسمك مره وحده وسوالك هالاعراض ,, طبعا من يومها ماحطيت وله زقاره بحلجي الحمدالله ,,, سبحان الله كل شي يكتبه الله للعبد خيره له ,,, يعني لو مو هالنوبه جان الحين زقاره بحلجي وماعرفت هالمنتدى كلش ,,

ثاني مره اهيه اقوى مره وانا توني واصل الدوام ,,, حسيت بغمته بحر وبرد مره وحده ورجفه على كيف كيفك اللي حسيت وقتها ان قلبي يبي يطلع من كثر ماطق حيل ,,, رحت المستشفى وسولي فحوصات وقالولي فيك القلب ولازم تنام عندنا .. ماوافقت طبعا وطلعت من المستشفى ,, يومها شفت صديق لي وهوه مدرسي في نفس الوقت وقالي يا احمد روح زور طبيب نفسي ,,,

فالمن اتصلت على الدكتور اللي اهوه يعالج عنده قلتله الاعراض وقام يضحك وقالي اللي فيج يسمونه بانك اتاك وفوبيا ,, وراها رحت عند الدكتور عبدالله غلوم الله يعطيه الصحه والعافيه ووصفلي سيبرالكس كل يوم حبه وليكسوتانيل عند اللزوم ,,,

والحمدالله قاعد احس بتحسن كبير ,,,

طبعا الحين تييني نوبه الهلع بس الحمدالله اقدر اصيطر عليها طبعا هذا فضل من الله سبحانه وتعالي ,,,

ياجماعه من اول ماصار فيني هذا المرض انقلبت حياتي فوق تحت للاحسن ولله الحمد وطبعا انقلبت بالالتزام وذكر الله سبحانه وتعالى ,,, فكانت لي خيره سبحان الله يعني من دونها كان الله اعالم ,,,

وبعد الكشف عن الحاله والبحث لقيت هالموقع الرائع اللي حيبت فيه الراحه والله يجزاكم خير جميعا اداره و اعضاء على تعاونكم معانا ...

ادري وايد سولفت وعورت روسكم بس هذي قصتي الكامله مع الهلع ...

اسال الله العظيم رب العرش العظيم ان يشفينا ويشفي جميع مرضى المسلمين ,,,