نفساني - عرض مشاركة واحدة

30-05-2010, 05:43 AM

بعد ذلك عندما وجد الاطباء ان ادويه الصرع وحدها لاتوقف ما يحدث بداوا باعطائى مضادات الفصام القديمه كلها (الاستلازين ,السافينيز,الكلوزابكس ,حقن الموديكيت طويله المفعول ,النيورازين والميليريل )طبعا مش مره واحده كانوا يجربوا كل صنف على حده لعله يجيب نتيجه لكن مفيش فايده وكانت حالتى بتدهور اكتر الى ان فقد شعورى بمن حولى ولا اعلم حتى من الذى شار بضروره اعطائى الكهرباء وفعلا بعد ماخدتها لاول مره اصبحت انسانه تانيه خالص راح الاكتئاب والزن واستمتعت بحياتى وطلعت رحلات فى الكليه الى ان عاد الاكتئاب تانى وكان الزن بيجى قليل ولما يجى كان يجى للانتحار فقط بدون اذيه لاحد فى الاول حاولت الانتحار وبعد ماعرفت ان الانتحار من علامات الاكتئاب اصبحت اول ما الزن يجى بالانتحار اروح اخذ الجلسات على طول فيختفى الاكتئاب ويختفى الزن واعود للحياه بدون ان اكمل باى علاج او اخذ جلاسات وقائيه لكن للاسف لما يجى التعب يكون تعب فيه الموت اشد كتير من الى بياخد علاج بعد الجلسات ومستمر عليه.
وكنت دائما اتعب من البنج واتشنج قبل ماخد الجلسه واسمع الدكتور يسال دكتور التخدير هى بتتشنج كده من البنج يرد يقله مش عارف اديها الجلسه وخلاص واكون نمت فى اخر هذه الكلمات ولم يشغل اى طبيب باله سبب التشنجات اللى بتيجى بعد البنج سببها ايه او حد يسالنى بتحسى باى مشاكل بعد البنج مفيش كله بيريح دماغه.
بعد كده رجع الزن تانى زىما كان زمان بعد ماكان طول فتره الجلسات مختفى يجى بس فى دايه التعب وبعد الجلسات يختفى خالص كنت باخد الجلسات مرتين فى السنه فى اول الصيف زى دلوقتى وفى اول الشتاء
المهم زى ما قلت بدات اخاف اخد الجلسات واروح كذا مره ولا استطيع اخذها فزاد الزن جدا لازم تاخدى الجلسات لازم تاخديها لازم تاخديها طول الوقت وفى نفس الوقت ارى منظر مرعبه لكل تفاصيل الجلسه الجهاز القطبين وهم على راسى شكلى وانا بتنفض من الكهرباء كل التفاصيل الفظيعه ارها تعاد باستمرار مع الزن الى ان استسلمت وقررت اخدها واخلص رحت وبرضو مقدرتش وانا خارجه الزن قعد يشتمنى انتى حقيره اعمل فيكى ايه اموتك زن زن زن بهذه الكلمات الى ان قطعت يدى بدون وعى وكانت هذه اول مره اؤذى فيها نفسى بهذا الشكل وخف الزن شوى واصبح مجرد كلام عادى تعليقات على تصرفاتى ,تعليقات على مواقف حولى ,تكرار لمقاطع من افلام شاهدتها حاجات غريبه بس تحس انى فى انسان تانى عايش جواك وبيتكلم وعايش حياته بس انت مش سامع اى صوت لكن حاسس بوجوده تماما (طب واذا كان جن لماذا يختفى بعد جلسات الكهربا هل تؤذيه وتؤلمه طيب لماذا اصبح الزن كله فى الفتره الاخيره انى لازم اروح اخد الكهربا ازاى يزن اروح اخد حاجه بتاذيه لا اعلم).
واصبح الموقف يتكرر حتى قريب كل فتره يعود الزن على الكهربا واذهب لاخذها فلا استطيع فاؤذى نفسى ولكن بوعى هذه المره لانى عرفت انها الطريقه الى تخلصنى من الزن بدل الكهربا بعد مااصبحت غير قادره على اخذ الجلست بدء الاطباء فى اعطائى كل الادويه بكل انواعها بلا مبالغه دون اى تحسن فزاد الاكتئاب ولم يعد يجى مرتين فى السنه كسابق لكن اصبح باستمرار طول السنه (الا اذا قطعته نوبه هوس تحت الحاد) واصبح اكثر سوء وعادت لى محاولات الانتحار التى تركت التفكير فيها من زمان ايام ما كنت مواظبه على الجلسات وها انا الان الادويه لا تجدى والشىء الوحيد الذى يريحنى من هذا الزن اللعين والاكتئاب معا لا استطيع اخذه نهائى فقد حاولت اول امس ان اخها وذهبت للمستشفى وعندما دخلت وبدات اعراض الفوبيا ضربتنى الممرضات لاجبارى على اخذها وهم فاكرين انى بتدلع علشان اهرب منها وميعرفوش اد ايه انا نفسى اخدها وارتاح بس كنت ناقصه الفوبيا اللعينه دى كمان علشان الدنيا بدل ما تقولى انشاء الله تتحسنى لا بتقولى خدى كمان اللهم لا اعتراض.
والله ياخى انا ماحلم بالشفاء لكن امل فقط فى التحسن فلم اعد اتحمل المزيد...وهذه كل حكايتى وفى انتظار تعليقك وتبدا تحكيلى حكايتك اراك بخير...