|
تجربتي مع المرض الوهمي( الهلع)
السلام عليكم ورحمة الله وبركاته
انا ابتليت بمرض الهلع قبل سنتين وكل اعراض الهلع مرت علي واستخدمت العلاج ولا تغير فيني شي ويوم من الايام وناء مسافر كنت افكر بالهلع واقول ليش انا ابتليت فيه ليش اخواني واخوياي مافيهم نفس المرض واقعد افكر واقول الحين لي سنتين اكل علاج وما فاد شي والحمد الله اللي فيني مرض نفسي مو عضوي وجسمي سليم واللي اعرفه الاعراض اللي تجيني بجسمي كلها نفسيه وما ذبحتني ولا نومتني بالمستشفى وكثير من الناس يشتكون نفس علتي ليش استسلم قدام المرض هذا اللي ما خلاني استانس بدنيتي وشبابي اذا على الموت كلنا راح انموت ليش ما ازيد الثقه بنفسي واقاوم المرض والحمد الله وبفضل الله شديت على نفسي وطنشت اي شي احسه بجسمي مثل نغزات بالقلب وكتمه ودوخه وصداع والحين الحمد الله لي شهر واسبوع ما احس باي شي وتحسنت واجد ولله الحمد والفضل كله يرجع لله ثم الثقه بالنفس والتطنيش ونا حبيت انكم تضغطون على نفسكم وتغيرون حياتكم بيدكم لان ذا مرض نفسي مو عضوي واقدر اتحكم فيه الدنياء حلوه ياناس وفكرو فيها ليش ما نستانس فيها قبل ما نموت مادام الانسان يصلي ويذكر ربه وثقة بالله قويه والله ما يفكر باي شي
والله ثم والله لو تجيني انواع اعراض الهلع والله ماتهز شعر فيني ولا تظايقني لاني وضعت حد لها وما راح اتوقع انها تجيني لاني خلاص تعافيت بفضل الله ورجعت حياتي مثل اول وحسيت بالدنياء وتحسنت اموري للاحسن ونا اوادع المرض هذا بضيق لان علمني اشياء واجد ثقتي بنفسي والاعراض الجسميه وكل شي ونا اول موظوع لي واخر موظوع لي بالمنتدى لاني حبيت انقل لكم علاجي مع المرض اللي غيرته بنفسي وبعدين حاولو تبتعدون عن اي شي يتعلق بالمرض النفسي مثل هذا المنتدى لانه منتدى ولا تزعلون علي اذا دخلته احس بخوف وضيق وافكر باللي فيه واقول الا متى وهم عايشين كذا عمرهم يروح وهم مايدرون عن نفسهم والله يشفيكم انشاء الله وانشاء راح تكونون للاحسن
مع السلامه ايها المنتدى المهموم
|