نفساني - عرض مشاركة واحدة - هل عشت حياتي مرتين ؟ او اني اعيشها بالنيابة عن شخص اخر ؟

28-08-2010, 04:12 AM

اتوقع ان الطفل يبكي حالما يولد من المصائب اللي شافها في الفلم :wink:
ولكن ينسى اغلب المواقف .. ويبقى في ذاكرته جزء بسيط من المواقف اللي مرت عليه

فاذا مر عليك موقف في حياتك ( بعد الولادة ) .. وكان الموقف ذا من ضمن المواقف اللي للحين مخزنه في الذاكره .. ( من الفلم ) .. تحس انك عايش اللحظه ذي قبل كذا وبنفس التفاصيل
بينما انت في الحقيقة تتذكر( الفلم ) اللي شفته في بطن الوالده :biggrin: " مسرح مو بطن "
اخذت الحل ذا مدة من الزمن رغم اني ما اقتنعت فيه .. لكن كان هو الوحيد المتوفر

بعدين سمعت عن تناسيخ الارواح وراقت لي الفكرة .. قلت يمكن بقى معلومات مخزنه في الروح قبل لا تحل في الجسد ( وما تفرمتت زين ) .. << الله من زين التعابير :smile:
فلما يمر عليك الموقف تشوفه بعينك وتسمعه باذنك .. يروح المخ يبي يخزن الموقف يحصله موجود مسبقاً .. فتحس انك عايش اللحظه ذي من قبل بنفس التفاصيل .. والحقيقة ان اللي عايش اللحظه ذي هو الروح اللي حلت في جسدك :smile: .. يعني انت جالس تسوي " ريبلاي " لحياة واحد ثاني
قريت كتاب عن تناسخ الارواح .. لكن من الخرابيط اللي حصلتها في الكتاب .. ايقنت انها ماتخش العقل
قال ايش ...؟ قال نسخ : حلول الروح في جسد ادمي والمسخ : حلول الروح في جسد حيوان و الفسخ : حلول الروح في جسد حشره .. والرسخ: حلول الروح في جسد جماد شجر وإلا حجر

يعني بالعربي خرابيط .. من تشوفها تدري انها غير قابلة للتصديق

اخيراً اكيد بعضكم سمع عن ظاهرة " دي جافو " او استباق القدر
الظاهرة ذي تشرح شلون تحصل لك انك تحس بانك سبق وان عشت اللحظة ذي

الفكرة ان المخ يتكون من فصين .. صح ؟
فص ايمن .. وفص ايسر
العين اليمنى مرتبيطة مع الفص الايسر
والعين اليسرى مرتبيطة مع الفص الايمن

فلما تشوف شئ قدامك .. تاخذ العين اليمنى المعلومات وترسلها للفص الايسر في المخ
في نفس اللحظة .. تكون العين اليسرى جالس تاخذ المعلومات وترسلها للفص الايمن في المخ

اللي يحصل في حالة " دي جافو " ان وحدة من العيون تتاخر في إرسال المعلومات للفص المعين
بينما تكون الثانية ارسلت وخلصت .. والمعلومة تخزنت في الذاكرة
فلما تجي العين الثانية ترسل المعلومات للفص الخاص فيها .. وتبي تخزن المعلومات في الذاكرة وش تحصل ؟

تحصل ان العين الثانية سبقتها .. وان المعلومات " اوردي " موجودة في الذاكرة .. يعني صعب انها تسوي " اوفر رايت " على المعلومات اللي موجودة .. لذلك يحصل " ايرور " يتنبه له العقل .. ويحس ان الانسان انه عاش اللحظة قبل فترة طويلة بس مايعرف متى ؟ ولا كيف ؟.
بينما في الحقيقة ان اللحظه عاشها قبل ( اجزاء صغيرة من الثانية هي مدة تاخر العين او تاخر الأعصاب في النقل ) لكن وحدة من العيون هي اللي تاخرت في إرسال المعلومات او تاخر سريان السيالات العصبية في الانسجة .. او تاخرت عملية المعالجة والتخزين عن العين الثانية .. المهم اي مصيبة من اللي فوق صاروا :smile:

يتـ ..... ـبع .....