ابحث عن العلاج

بيانات اضافيه [ + ]

رقم العضوية : 32087  تاريخ التسجيل :  10 2010  أخر زيارة : 16-09-2012 (11:40 PM)  المشاركات : 86 [ + ]  التقييم :  10

لوني المفضل : Cadetblue

هاه يادكتور

سلام عليكم ..
اليوم حضرت دورة وكان اللي يلقي علينا المحاضرة متخصص في تحليل الشخصية
عن طريق خط اليد .. طبعاً ماقال هالكلام الا بعد ماكتب كل شخص اسمه
كان اسلوبه قوي جداً لكن لما ذكره انه متخصص في هالعلم جتني اعراض الرهاب
ولأول مره تظهر بهالشكل... عارفين احنا في فصل الشتاء... تعرق ... دقات قلب سريعه
حسيت وجهي كل الدم تجمع فيه
... وقول في نفسي افا بسس عاد ماتنفع افا.. تقريباً عشر دقائق وتلاشت الاعراض واندمجت في المحاضره وشاركت معهم.. لكن اللي ظهر لي أن الاستاذ المحاضر اذا قت رأيي يتغير وجهه ... مدري ليه والشي ذا زادني ثقه أكثر ..لكن المشكله اني ارفع صوتي عشان اغطي على هالرهاب .. اللي بقوله .. انا اعتبر الرهاب سبب في تسيير حياتي بالشكل الصحيح ... وصار هالشي قناعه .. ولكن تزامن اكتشافي للمرض مع عدم حاجتي له في تسيير حياتي .. دكتور رعد اتمنى توصف لي الدواء المناسب
واذا ماوصفت لي .. انا بوصفه لنفسي ... عمري 30 سنه
وزني ثمانيه وسبعين وطولي ميه وتسعه وستين
اعمل في دائرة حكومية .... ركز يادكتور اللي عنده رهاب مايعيش فيها نهائياً
ولي في هالعمل 10 سنوات ... بمعنى أني على تواصل مع المسئول بشكل يومي
حالياً مقبل على الزواج يعني ادويه تضعف الجنس ماتصلح لي


على فكره استخدمت حبوب سانت جونز اشتريت علبه كامله وبعد اسبوعين من استخدامي تغيرت شوي ... صرت احب اطلع لكن الخوف مثل ماهو ماتغير .. لايكون عندي اكتئاب .... وايضاً كان عندي وسواس قهري نتيجه لتعاطي الحبوب لمدة خمس سنوات بغيت اودع لكن الحمد لله تركت الحبوب وراح الوسواس
هذي كل المعلومات ودك تسأل وتصف لي الدواء او تصف لي بناء على ماذكرته



بصراحه وللأمانه لو ان ماعندي الرهاب اتوقع راح اكون متسلط وجبارررواقول هالكلام عن قناعه ولأن أجدادي كانو جبابره يشتكون منهم الناس في حياتهم ..
لكن خلفو مسوسين ورهابيين ... العائله كلها عندها نفسيه .. عيال عمي عيال جدي
حتى اللي ماعنده رهاب موسوس بغض النظر عن جبروت الاجداد ولد جدي
في سني .. وعنده وسواس وهوه صديقي الوحيد لكن فيه جبروت اتسائل من وين جابه
هاه يادكتور وش رايك اخذ اروركس ترى عاجبني مره

المصدر: نفساني