نفساني - عرض مشاركة واحدة

16-02-2011, 02:18 PM

اقتباس:

المشاركة الأصلية كتبت بواسطة أحمد البنا

وماذا لو أننى لا أقرأ أصلاً .. عندما أقرأ يوماً من الأيام ربما أستطيع الأجابة على مثل هذة الأسئلة .. يبدو أن أسئلتك يا سيدتى ليست لشخص مثلى ..

ممكن تقوليلى يعنى أية أنواع كتب أصلاً .. وممكن تختارى لى نوع كويس تكونى جربتية وعجبك وجاب نتائج كويسة معاكى عشان أنا الظاهر هبدأ فى القراءة متأخر جداً فمش عايز أضيع وقت فى أنواع مش كويسة .. وطالما سألت عن الأنواع يعنى أكيد أنت مجربة كذا نوع وقرأتى متقوليش معرفش ومتهربيش من السؤال ... وأحكى عن أللى قرأتية وندمتى أنك ضيعت وقتك فى قرائتة وحسيتى أنة كان مايستهلش .. شكراً مقدماً

قد تكون أسئلتي ليست مناسبة لك لأنها ليست خاصة بك لوحدك

و مافي أي داعي للهروب من سؤالك بالنسبالي

أنواع الكتب كتير .. أنا شخصا بحب الكتب الدينية والفكرية والنفسية و الأدبية

وناوية على الكتب الفلسفية والتاريخية

.

مش مهم إذا بدأت القراءة متأخر .. أنا شخصيا كانت قراءتي عبارة عن روايات وقصص و مقالات من بعض المجلات

وبدأت اتطور في قراءتي من سنتين .. وحبيت تطوري ده جدا .. وبستمتع بالقراءة قبل النوم

أول مابدأت أشتري كتب .. بدأت بكتب الدكتور عادل صادق ( علم نفس ) .. ودخلت على كتب دكتور مصطفى محمود ( فكرية ومقالات ) .. و كتب دينية متفرقة أغلبها خاصة بالمرأة .. وكتب نفسية أخرى متفرقة معظمها إلكتروني .. ولسه امبارح كنت بقرأ مقالات للعقاد وطه حسين و المازني ويحيى حقي .. من أمتع مايكون

إذا تحب أخصص لك كتب دلوقتي تقرأها .. أحب أقولك على كتب لمصطفى محمود .. لأنها مفيدة جداا برأيي .. زي كتاب " رحلتي من الشك إلى الإيمان " و " حوار مع صديقي الملحد " و " والشفاعة " و " الأحلام " ..

أضمنلك إن رحلتك مع القراءة ح تكون ممتعة

بالتوفيق

.