|
أبي وصف لحالتي وأنا من أيش أعاني تكفون
السلام عليكم ورحمة الله وبركاته وبعد
أول مشاركه لي في منتداكم الحلو
بصراحه قبل سنه أكتشفت أن عندي في ظهري كيس دهني وظنيت أنه ورم خبيث وخقت وحياتي ضاقت بي لحد ما قررت أروح لدكتور ويفحص الورم الغير بائن في ظهري
طمني الدكتور وقال كيس دهني عادي ممكن أشيله في ربع ساعه
وما منه أي خوف
بعدها بديت أحس بحالات من الخوف وأنو في كل لحظه ممكن يجيني مرض خطير ويفتك فيني والتفكير لازمني
لحد ما اشتد علي القولون
حصل معي مره اسهال خاد بعد وجبه دسمه وهبوط في الضغط وسرعه في نبضات القلب وضنيت أني بفارق الحياه واخذوني للمستشفى واعطوني معذي وقالو لي الاكل الدسم والقولون ملتهب كان السبب
بعد كذا صرت اربط المواقف بعضها ببعض لو أسمع حاله وفاة اخاف لو اسمع انسان اعرفه اصابه مرض أقول يمكن يكون عندي وانا مو داري
صرت قلق متوتر متضايق متررد مالي شهيه في الاكل
الصباح اعاني من أكتئاب ويزول بعد المغرب وتنفتح نفسيتي للأكل
وعندي اظطراب في الهظم وتبرز الله يكرمكم غير منظم ومخاط في البراز احيان
هل اللي معي توتر ؟ هلع ؟ اكتئاب ؟ اي نوع من الامراض النفسيه ؟؟
الادويه اللي استخدم دوقماتيل ودوسبيتالين وبسكوبان
أنا لا أعترض على قضاء الله لكن ابي شي يريحني ويهدي اعصابي وما يجعلني كل دقيقه افكر في الموت وأبي أبتعد عن الافكار السلبيه
ارشدوني جزاكم الله خير وأي حبوب ممكن تكون مناسبه لي
|