مريوما

بيانات اضافيه [ + ]

رقم العضوية : 34217  تاريخ التسجيل :  05 2011  أخر زيارة : 27-09-2012 (06:18 PM)  المشاركات : 91 [ + ]  التقييم :  10

لوني المفضل : Cadetblue

أمل في أشياء كثيره قلتيها أغلب الناس يعانوا منها خاصة بعصرنا ..


زي الخنقه اللي تجيك بالسوق أشوفها طبيعية


دائما" أسمع بمجالسنا كثير تجيهم دوخة بالسوق


ويحكوا عن مواقف زي كذا


ويقولوها ببساطة مانحب السوق لما يكون زحممه


وأغلب الوقت نوصي أمهاتنا وأخواتنا يشترولنا ..


يعني الموضوع عادي جدا"


أنا كمان تجيني الحاله لما تمر فترة طويلةما أطلع من البيت


وبعدها أروح للسوق يجيني احساس إني بكوكب ثاني _


بالنسبة للرقص بصراحة ماعمري رقصت بزواج ولاهو مزعلني الموضوع


بالعكس حتى ماودي فيه أحسه يجيب العين والحسد


لكن أحب أثبت وجودي مولازم أرقص بس أشجع وابتسم


وتكفي الابتسامه _


يعني اذا حضرتي مناسبة تفاعلي مع الناس حتى وانتِ جالسة


مثلا" لما تجي زفة أم العريس ولا أم العروسه قومي معاهم


وزفيها واضحكي وسلمي وباركي وخلاص مافيش مشاكل


أهم شي لاتكبري المشكله


وتفكري اني خلاص بوصل للثلاثين وانا على خوفي


كذا غلط ..


ترى الرهاب وان كان مشكله الا اني أشوف له مميزات


مثلا" الرهاب مهما كبرتي يعطيك مظهر انك صغيره لأنك بتكوني خجوله _


غير كذا اللي عنده رهاب كلامه قليل وهذا الشي يفيده دينيا" واجتماعيا"


لأن اللي ماعنده رهاب تلقيه يتكلم بكل شي وممكن يغتاب أو يقول شي محرم


وممكن يدخل نفسه بمشاكل تخلي المجتمع اللي حوله يكرهه


والرهابي ماشاء الله بعيد عن كل هذا


ودائما" الرهابي يكون مستودع آمن للأسرار لأنه نادرا" مايفتح فمه _


فلنفتخر بأننا رهابيين _


أمل أهم شي لاتبالغي بالمشاعر السلبية واستمتعي بحياتك


غيري من طريقة تفكيرك خليك متفائلة


ابعدي عن التشاؤوم اللي لاحظته من اختيارك لاسمك المستعار


وليكن الأمل الموجووود بدل الأمل المفقوود _