اقتباس:
المشاركة الأصلية كتبت بواسطة فاطمة محمد
السلآم علييكم ورحمة الله
...
من زمان وانا ابغى احط موضوع واخيراً تفعل حسابي
لي فترة ادخل المنتدى بصرآحة استفدت منـه كثير بس الاعراض للحين عندي
بداية انا بنت عمري 15 سنة
لي خمس سنوات اعاني من هالحالة
طبعاً هالسنة زادت علي
بدت بفكرة اني مابقدر ارمش بعيني والله مابقدر ابلع ريقي وكأن دي الحركات إرادية وانا ماادري لش اشغل بالي بها وادري انها تافهة
واللحين افكر اني مابقدر اشهق وازفر واقعد اطلع في بطني كيف يتحرك واقول اللحين بيوقف اللحين بموت اللحين مابقدر اتنفس وجيني نوبات هللع
والله صرت اكره الطلعة
الامس طلعت ويا خالتي واختي جبت لهم الهم
يادوب طلعنا قلت ليهم رجعوني البيت بموت اللحين والله الدنيا دارت بي
مادري وش اسوي حياتي صارت جحيم
وهالافكار دايماً في بالي طول اليوم ..
الا مر في نفس حالتي يساعدني
والله يشفي جميع مرضى المؤمنين والمؤمنات يارب...
|
وعليكم السلام ورحمة الله وبركاته
اهلين فيك اختي فاطمه نورتي المنتدى وانتي بين اخوانك ..
ترى الي تمري فيه شي عادي جدا وانا ابي اعطيك امثال كانت تصير لي
يعني بعض الاحيان انتي تراقبي التنفس عندك . انا اول ما بدت فيني الحاله كنت
اتابع نبضي هل هو تمام او لا واقول اني راح اموت واجلس اتعب روحي الناس يلعبون
ويتمشون وانا جالس اراقب نبضي :/ صح مالي داعي احسس ولا اراقب مثلا
الالم البطن يعني لو جاني مغص بقول اني راح اموت وهـ الشي طبيعي لان تاركين كل شي
وجالسين نناظر في انفسنا ههههههههههه لكن عندي لك حل بطل جدددددددا
يعني لو جاك احساس يقول لك راقبي تنفسك ! قولي مابي اراقبه الي بصير يصير
مره مرتين تقولين هـ الكلام تحصلين نفسك بديتي ما تراقبي شي فيك
وحاولي مثلا لو جاتك هـ الفكره تشغلي نفسك في اي شي ولا تفكري مرره
يعني من الاخر اجلسي تعابطي مع افكارك مثلي ههههههه والله تشوفين لها تاثير
وان شاء الله مافيك إلآ العافيه يارب وياريت تسمعي رقيه شرعيه وكل يوم تقري قران
ومارسي الرياضه يوميا على الاقل لو نصف ساعه ترى مفيده جدااا ، وطمنينا عليك يا اختي
وفالك العافيه يارب ونشوفك في احسن صحه وحال يارب