نفساني - عرض مشاركة واحدة

07-08-2011, 07:19 PM

اختى رزان ماتشوفين شر ان شاء الله
اختى رزان انتى عندج مشكله بحياتج وهالمشكله اهى الى خلت نفسيتج تتعب ممكن عدم اهتمام من الغير او احد قريب عليج مسببلج مشكله او اى نوع من انواع المشاكل الى كل انسان يواجها وهالمشكله الى مو عارفه لها حل او مو قادره تحلينها خلت تفكيرج يهرب الى الهلع او الحاله الى انتى فيها اولا احب اقولج محد مات من الهلع الا باذن الله سبحانه والهلع حاله خوف ورعب تجى فجأه وتروح بس المطلوب منج تعرفين تتعاملين معاها بحرفيه فى كثير من المواضيع الى تعلمج شلون تتصرفين مع الهلع وعلى فكره الشفاء من الهلع سهل بس يبيله اراده وعزيمه
هذا طبعا بعد التوكل على الله سبحانه انا واحد من الناس ولله الحمد كان معاى هلع وتشافيت والحمدالله
اهم شى اهم شى التقرب لله سبحانه فى امور كثيره لو سويتيها صدقينى راح تضحكين على هالايام الى انتى فيها الحين وتقولين انا شلون كنت اخاف
صدقينى اختى رزان لا الطبيب النفسي ولا الادويه النفسيه تاثيرها مثل تاثير القرآن والاستغفار الى له سحر عجيب والصدقه بنيه الشفاء وبعد هذا والى راح نكتبه لج بالتفصيل ان شاء الله لابد من حل المشكله الى عندج او التكيف معاها اذا كان صعب حلها يعنى تعرفين تعيشين مع هالمشكله
ماتشوفين شر ان شاء الله