المشاركة الأصلية كتبت بواسطة كياان

أنا بنت

وبخصوص إذا كنت اخض اعشاب ..... بصراحه أنا مش قادره اقتنع بشئ يخفف عني الحزن وضيقه الصدر غير قربي من ربي , وحقيقه هذا إلي لمسته ... كنت في عذاب الله هو العالم فييه من الادويه النفسيه وماشفت منها اي فايده غير زياده ضيقي وهمي بأضعاف

وصح إني لين الحين في عذاب مع نفسي وحالي مش مستقر , بس في النهايه عرفت الطريق الصح وانا مش غلطانه ولايتهيئ لي ... انا ماخف عني حزني وهمي إلا يوم تاكدت إن الادويه مامنها اي فائده وطبعا هذا موضوع واايد متشعب وودي بصراحه اقول وجهه نظري بصوره اعمق ... بس انا وحده ماادخل المنتدى وايد , حتى لودخلته كلها دقايق وأطلع ماعندي وقت وسبب ثاني إلي هو , في ناس نصحوني وقالولي إذا تبيين تطلعين من العذاب إلي إنتي فييه وتعيشين حياتك مثل إلي في سنك , إنسي شئ إسمه مرض نفسي وإنسي إن إنتي في يوم دخلتي هذا المستشفى وتعاملتي مع اطبائه وادوييته

وأنا قاعده اطبق كلامهم على قد مااقدر ولاحظت التغيير بس توني في بدايه الطريق واتمنى من كل قلبي إني أشوف نهايه الطريق عاجلا غير اجلا

وتعلمت من هالتجربه إلي مريت فيها من ادويه واطبه واخصائيين إني على قد مااقدر ماأشتكي لحد غير ربي .... أنا ماادعي المثاليه ولاراح اكون مثالييه لني راح اتعب ,بس إلي ابي اقوله أنا مرتاحه من

هذي الخطوه إلي خطيتها إني قطعت الادويه النفسيه وقطعت ريلي من ذاك المكان واتمنى إني أستمر طول العمر

وفي النهايه محد راح يفهم كلامي إلا إلي جرب ومر بنفس التجربه