|
سآآآآعدوني في مشكلتي أرجوكم ... نوبآت الهلع افقدتني السعاده
بِسْمًِ آلَلّهًِ آلَرَحْمَنْ آلَرَحِيْمْ
آلَسَلَآمُ عَلَيْكُمْ وَرَحْمَةُ آلَلَّهِ وَ بَرَكَآتُهْ
بصراحه أنا مو عارفه كيف أبدا
بكتب اللي اقدر عليه و ان شاء الله انتوا راح تساعدوني
أنا من 6 شهور تقريبا كنت إنسانه طبيعيه احب اضحك وأسولف
لكني خجوله جدًا جدًا جدًا
المهم يوم من الايام كنت امشي على السير تقريبا الساعه 5 الفجر وبعد ماخلصت
رحت أخذت شآور وبعدها انسدحت بنام ومن هنا بدأت تعاستي
فجأه جاني خفقان ورجفه واطرافي كانت شبه مثلجه وانقلب ابي أنام مو قادره
احس أني مو قادره اتنفس احس بشيء قاعد على صدري
أنا توقعت انه من حبوب منع الحمل لأني غيرتها وكانت بهذا اليوم ثالث حبه اخذها
وقلت لزوجي يوديني المستشفى وانا وحده اكره المستشفيات واستغرب مني أني طلبت أنه يوديني
المهم وداني ودخلت للدكتوره وشرحت لها كل شي وفجاأه قمت ابكي
وقالت لي ان اللي فيني نوبات خوف وهلع مالها شغل بحبوب منع الحمل طلبت مني تحاليل
وقالت اذا النتائج سليمه يتحولني على دكتور نفسي وانا رفضت
المهم بعدها لفتره جاتني جرثومة المعده وقعدت ابحث عن أعراضها ولقيت منها القلق والخوف وتعمر المزاج
وارتحت وربطت كل الأعراض اللي فيني بالجرثومه
ارتحت منها فتره بس لازالت أعراض نوبات الهلع مستمره
و رحت لشيخ وقرا علي وقال ان الحمدلله مافيني شي
و رحت لحرمة كبيره وقرت علي بعد قالت ان فيني نفس
المهم الحين لي 6 شهور أعاني من نوبات الهلع اللي بسببها كرهت حياتي
بس أتخيل أني بموت وان بيجيني مرض او بيصير فيني اي شي مو زين
حتى صرت اكره الطلعات لان في بالي اذا طلعت من البيت بموت استغفر الله العظيم بس
وأهلي نصحوني اروح لدكتور نفسي بس أنا رفضت بسبب أني خائفه ادمن على دواء معين
وأخيرا
يالين تنصحوني وش اسوي لأني تعبت نفسيا واحس حالتي كل مالها تزيد سوء
يعني البنات اللي بعمري يفكرون بالطلعات والروحات و الجيات والوناسه ( عمري 23 )
واناتفكيري متى بموت ويمكن امرض وعايشه بوسوسه مالها نهايه
وَ جَزَآكُمْ ًآلَلّه آلْفَ خِيْرْ ?
|