الوفا دربي

بيانات اضافيه [ + ]

رقم العضوية : 34865  تاريخ التسجيل :  07 2011  أخر زيارة : 23-07-2016 (08:12 AM)  المشاركات : 148 [ + ]  التقييم :  10

لوني المفضل : Cadetblue

هو من ناحية انه ثقيل على المعدة فهو ثقيل شوي بالبداية فقط يعني شي لا يذكر وإذا اكنت

معدتك ضعيفة فخذيه بعد الأكل طبعا ويكون أكلك خضروات وألياف وصدقيني ماتحسين فيه بإذن الله

وأصلا بعد مرور أسبوع خلاص معدتك وجسمك وضغط دمك يتعود عليه ,,,

وبالنسبة لهبوط الضغط فهو بالبداية فقط ويجي خفيف جدا ومعظم الناس ماتحس فيه

مع العلم اني حسيت فيه ببداية الأيام ولكنه بسيط جدا ومامر أسبوع إلا وانتهى

وبعدين ترى حل الهبوط البسيط بالإنسان السليم اللي مايعاني من ضغط

لبن + شوي ملح علشان يتعدل الضغط وانتهينا من هالمشكلة اللي ما أظنها راح تمر عليك بإذن الله ,,

بس أهم شي ماتكونين من اللي فيهم مرض ضغط الدم فهذه حالة أخرى تحتاج إلى استشارة طبيب

قبل استخدام الدواء لأني ما افهم فيها ,,

وإذا كنتي ماتعانين من مرض الضغط فخذيه بدون ماتشتيرين أي طبيب لأن الهبوط القوي مايصير إلا بحالات نادرة

وعلشان تكونين على بينة فكل الادوية النفسية ممكن تتعارض مع بعض المرضى

فممكن تسبب هبوط ضغط وممكن انها تسبب ميول إلى الإنتحار أو صرع أو ......إلخ عند 2% من الناس تقريبا فقط .

وكل هذا مكتوب بالنشرة ولكنه يحدث بحالات نــــــادرة جدا من المرضى

ولو كل مريض بخاف انها تصيرله ومايسخدم العلاج كان 95% من المرضى ما أخذوا علاجات

عموما انتي اتركي عنك الخوف الزايد واستشيري الطبيب واذا قالك استخدميه فخذيه ولا تضيعين وقتك بالتفكير

الزايد والمعاناة من القلق والتوتر والحالة النفسية السيئة اللي أثرت على زوجك وعيالك ووظيفتك,,,

وبالنسبة لسالفة المعدة فخذيه بعـــد الأكل زيه زي البندول وأي دواء وكثري من الألياف و الخضروات ببداية الأيام

الين مايتعود عليه جسمك مثل ماقلتلك ,,

وأحب أعطيك معلومة مهمة وهي بأن الدواء يتعب جدا بالأسبوع الأول وأعراضه الأساسية زيادة الهلع والقلق

اللي كنتي تعانين منه فممكن يجيك أكثر من مرة باليوم فعلشان كذا خذيلك إجازة من العمل

وإذا زاد القلق بالأسبوع الأول فاستخدمي معاه مهدىء زناكس أو افيتان لمدة اسبوع فقط علشان ماتدمنين

عليها لأنها تسبب الإدمان عن استخدامها أكثر من ست أسابيع متواصلة وتحصلين المهدىء بطوارىء

مستشفى الصحة النفسية بمدينتك إذا كنتي بالسعودية ,,

ولعلمك ترى السيبراليكس مثل البندول وبمثل أمانه فهو آمن جدا وحتى مرضى السكر اللي أعضائهم تتلف من

الداخل الله يرفع عني وعنك يستخدمونه وما ضرهم بإذن الله ومثل ماقلتلك استشيري الطبيب وتوكلي على

الله وبإذن الله مايمر شهر إلا وراح تدعيلي إذا استخدمتي سيبراليكس + بروزاك أو السيبراليكس لوحده

على حسب مايرى الطبيب كما ذكرت لك ,,

وبالأخير انتي حرة فالقرار قراك .