|
وسواسي غير..واقسم بربي متعبني حيل
السلام عليكم
اخواني واخواتي اسال الله في هاليوم الجليل ان يشفينا وجميع المسلمين من كل داء يارب العالمين..
انا بعاني من وسواس فتره طويله وتعذبت كثير واتمنى اني اؤجر على هالعذاب يارب
المريض الوسواسي يحسد الانسان العادي..
بس انا احسدهم الاثنين
لان اللي بعااانيه مختلف تماما
انا ماعندي وسواس بالصلاه والحمدلله بصلي عادي
وماعندي وسواس النظافه والحمدلله
لكن عندي وسواس في كل وقت من اصحى من النوم لين انام اقسم بربي ماتذكر عدت في حياتي الوسواسيه دقيقه وحده وانا بالي مرتاح من غير تفكير..
انا وسواسي ابتدا معي وبكل صراحه..
كنت شخص اجتماعي واعرف اتعامل مع الناس واحب اضحك مع هدا وامزح مع هدا
لكن الوسواس كان مدمر حياتي ومن غير ماسوي افعالي القهريه بالمشروط العقلي المطلوب مني
ماقدر ارتاح ابدا وابدا احس اني تغيرت
اخاف الناس يكرهوني اخاف ماصير اجتماعي مثل ما انا احس انه في شي بيتغير فيا اذا ماسويت هالوسواس
احس اذا ماسويتها حياتي تروح للاسوا تجيني امراض
احس اني لو ماسويتها بيصير كذا ولو سويتها بيصير كذا
والمشكله انها متعبه مره
والمشكله الاكبر ان وساوسي مافيها فعل او حركه
كلها جوا عقلي
تعقيدات طلاسم ماعرف كيف اوصفها لكم اتخيل ارقام وحروف وارتبها ع الجدار
اتخيل الدولاب واحاول اتذكر موقف واربطه مع حاجه وسلسله متعبه من الافكار
واذا صار غلط واحد بس ابدا من جديد
والله يا اخوان اني توصل معي حاجات اقعد اسبوع وانا افكر فيها لين ماخلصها
حاااااااااااااااااولت اتجاهل كثير لكن ارجع مذلول منهان منصاع واسويها من جديد
اذا تكلمنا في موضوع وضحكنا ورحنا لموضوع ثاني انا ارجع افكر في الموضوع واحاول افكر بصعوبه عشان افهمه مثل مافهمته بالمره الاولى وبعدين اوقف
ولو ماسويتها احاول واحاول
انا ادري انه غبي ومضحك بس اقسم بربي انه صار شغلي الشاغل من 7 سنين
زمان شافني اخويا الكبير بمسك الكنبه كم مره ..قالي لا تسوي الاشياء هدي وراح تندم اذا كبرت وماراح تقدر تتركها
كنت صغير ومافهمت قصده واليوم فهمت
سمعت انه الوسواس يكون 30%من الاقارب مصابين فيه وسمعت شخص يقرب لي عنده وسواس الصلاه
طيب ليه هوا جاه بالصلاه وانا جاني بشي ثاني
اقسم بربي اتكلم مع شخص قدامي وماقدر اركز معه اطالع في البلاط واحاول اتخيل ومنحرررج مره واذا تجاهلت وتكلمت معاه اخاف انسى الموضوع اللي كان في بالي
انا تعبت والله تعبت وماني لاقي تفسير للحاله هذي ولا لقيت شخص مثلي بهالعالم كله
سامحوني حبيت افضفض بس ودي ارتاح
|