|
بليييييييييييييييييز ساعدوني جزاكم الله خير
السلام عليكم ورحمه الله وبركاته
اول شي كل عام وانتم بخير
انا لجات لكم في ده الموقع بعد الله عزوجل
انا فتاه عمري 20 سنه الحممممد لله محبوبه بين صحباتي وحياتي كانت حلوه بس انا حساسه وانجرح بسرعه
تقريبا قبل شهرين او مده كده اللي هي ايام امتحانات االطلاب في المدارس ماكان احد بالبيت وكنت بنام حسيت بتسارع في ضربات قلبي ونشوفه في الريق رحت شربت مويه وجلست الين اختي ماجت من المدرسه وقلتلها اني تعبانه قالتلي مافيك شي والمهم نمت وصحيت الحمد لله مافي شي طبعااا في دي الايام كان بيني وبين خطبيي مشاكل بس عادي متعوده انا ع اللي يصير مع انهااا كانت مره زايده مشاكلنا وبس اكلمكم بعد كم يوم كده صرت لما اجي انام اتضايق وتجيني زي اضطرابات في الرويه وصرت ماانام الا جنب ماما الله يخليها لي كماان في دي الفتره صرت افكر بالاشيا الغلط اللي عملتها بحياااتي واخاف من عقاب ربنا وافكر كيف القبر وسمعت عن حالات وفاه كثيره وكنت اتفرج في النت ع حاجات مشابهه وكنت دايما افكر في ابر الهوا والناس اللي نسمع عنهم اللي يموتو ويصحو في القبر ويرجعو للحياه تاني بسسسس كان شي عادي يعني مو شاغل تفكيري المهم جيت في يوم طلعت مع بابا وماكان فيا شي وبابا نزل من السياره الا حسيت بحاجه بدات تكتم نفسي وضربات قلبي زادت وريقي مره ناشف وتنميل وبروده باطرافي قلت اكيد اني بموووت لا سمح الله وجا بابا وهداني وصلت البيت وصليت وقرات قران لقيت الحاله زادت معايا قلت لبابا لازم اروح المستشفي طبعا في الطريق زادت الحاله معايا صارت يديني تتلوي لحالها ومن جد ماكنت حاسه برجولي لما وصلت عملولي تحاليل وتخطيط للقلب كله سليم ماشا الله قاللي الدكتور انه ده اضطراب نفسي واداني مهدي ورجعت البيت ونمت وقمت تاني يوم عاديه الحمد لله الا بعدها بدات تجيني حاله الضيقه وصرت افكر انه ماهعيش وفي اي وقت رح تنقبض روحي وحالات الهلع زادت عندي وكل يوم باعراض جديده وصرت اخاف ع اهلي من الموت ولما احد يقول بكرا الاسبوغ الجاي اخاااف واقلق وااسمع انه في ناس حست قبل موتها طبعاا لما اجي انام برضو تجيني حالات الهلع ومرررره ماصرت اكل ولا احب اخرج اخاف اطالع في السما الم في ظهري مستمر والم في راسي واوقات الم في الاذن والعين ودوخه وع طوول اخاف من هبوط الضغط والسكر واروح اذوب مويه وسكر واشرب وبسسس افكر بالموووت 24 ساعه وصرت مرررره شارده وممكن الحاجات تطيح من يدي ووجهي بان عليه التعب ومره اخاف من الصوت العالي ومن كلمه حادث مرض موت ولو شفت سياره اسعاف اخاف ماااحس ابدااا بالراحه في بيتنا وخصوصا غرفتي والغرفه اللي كنت انام فيها اول ماتعبت كل شي اربطه بالموت ولو احد من اهلي خرج كل شويه اتصل عليه كمان انا وخطيبي تركنا بعض وسافرت قبل رمضان حسيت بتحسن كانت تجيني الافكار بس كنت متحكمه بنفسي ولما رجعت من السفر زادت معايااا مررره ولما دخل رمضان صرت اخاف عند الصلاه عند الدعا والقران ماادري كيف يومي يعدي بحاول اتهرب من حياتي بالنوووم والمشكله مااقدر انام الا بمنوم واقوم خايفه وحاااالتي حاله هذا مختصر لحالتي يعني بدون تفاصيل ممكن حد يساعدني بليززززز
|