نفساني - عرض مشاركة واحدة - زواج السعوديه من غير السعودي ( الأجنبي ).

31-07-2012, 10:51 AM

اقتباس:

المشاركة الأصلية كتبت بواسطة أمل روحي

الله يجزاك بالجنة ويحرم وجهك النار على سرعة استجابتك
انت و الاخت اللي بلغتك بالموضوع الله يسعدكم واشكركم من كل قلبي

أولاً بعد ماقريت شروط المنتدي اكتشفت انه لايمكن التواصل وانا كان ودي تتواصل مع خطيبي هو بنفس منطقتك ساكن
لكن ماودي اتجاوز ويطردوني بالمنتدى

بس يا اخي كل الخوف عندي مو من رفض المعاملة لا من انها تطول ويحصل مماطلة لانه انا قبيلية
وعندي اسباب لا استطيع ذكرها عالعام ولكن اتمنى انه يقوم ذوي الاختصاص بأخذها بالاعتبار واصدار موافقة
وامنيتي تتم المعاملة وتتيسر ونتوفق باذن الله

وهل تنصحني بمعقب يتابع معاملتي ؟
وهل خطيبي هو يقدم الطلب لانه انا في منطقة وهو في منطقه بس مو بعيد عن بعض الحمد لله

والله يسعدك ويرزقك كل خير بحياتك

والله يسعدك طمني عن كل شيء لان كلامك كله يطمن بس انته تابعت الموضوع بنفسك
وادرى بالمخاوف والقلق

السلام عليكم , و لا شكر علي واجب
شوفي يا ستي , انتو بتقدموا من الدمام لأانه ذي منطقه خطيبك ,تقدموا من الأماره , خطيبك اللي يروح يقدم , و يكتب المعروض و هنا في حل من 2 :

1- يا اما من إداره الزواج في الأماره .
2-مكتب الأمير نفسه يوم يكون الأمير عنده مجلس و برضو ذا بيكون في الأماره .

و عن تجربه شخصيه افضل الخيار رقم 2

طبعا بيكون مع الخطاب بطلب الجواز مرفق الأتي :

1-صوره من إقامته.
2-صوره من جواز سفره.
3صوره من شهاده ميلاده.( اذا كام من مواليد المملكه يكون احسن و احسن و احسن ). و اذا كان مو من مواليد المملكه اجل لازم صوره من شهاده ميلاده مصدق عليه من احول المدنيه لبلده ومن وزاره الخارجيه في بلده و بعدين سفاره بلده هنا و بعدين الخارجيه السعوديه هنا.
4-صوره من هويه الوالد و كارت العائله.
5-صوره من هويتك انتي لو عندك.
6-برينت الأحوال الخاص بك من الأحوال المدنيه.

بعد كده من مكتب الأمير يحولو المعامله الي اداره الأحوال الأجتماعيه في ألأماره و طبعا بيكون معاه رقم يوم ما يقدم في مكتب الأمير و يتابع بالجوال او من النت عشان يعرف متي يروح مكتب ألحوال في الأماره.و بعد ما يتطلعوا علي كل الأوراق يطلبو منه انه يجيب ولي امرك و انتي تكوني معاه في السياره او خرج الأماره, توقعي علي الأقرار اللي بيطبعوه و طبعا يكون الولي موافق علي الأقرار و موقع فوق توقيعك.و بعد كذا يعطوكم خطابات المستشفي اللي هتكون مستشفي الدمام المركزي, و زياده عليه له هو فقط خطاب للكشف الجنائي.

و بعد ما تطلع نتيجه التحاليل اللي تاخذ اسبوعين او اقل بشويه و نتيجه الفحص الجنائي يروح علي الأماره يعطيهم كل شي . و لو كل شي سليم تطلع عند الأمير تتوقع و بعدين علي المحكمه لو هو من مواليد المملكه و بيكون الموضوع كله في اسبوعين او اقصاها شهر.

لو مو من مواليد المملكه بتترسل علي الرياض و تووقع من وزير الداخليه او من ينوب عنه و بعدين ترجع للأماره و بعدين من الأماره للمحكمه و ممكن العمليه تتطول شوي من شهر لي 3 شهور.

اتمني اني اكون افدت و لو في أي استفسار انا في الخدمه .

في امان الله