نفساني - عرض مشاركة واحدة

06-08-2012, 12:58 PM

تعالوا نفكر بفكرة إيجابية - بسيطة - واحدة كل يوم , وننفذها مع بعض

,

أول فكرة

إيه رأيكم , نجسّد أمراضنا في خيالنا ونتعامل معاها و كأنها بشر , نخاطبها ونعاتها ونتحدّاها

/

أنا ح أتخيل الوسواس _ مثلا _ قُدّامي , و ح أقوله :

بُص يا بن الناس الطيبة , إنت مجرّد خيال , يعني أنا أقوى منك , و ح أنهيك من حياتي في أقرب وقت

إنت بتحاول تضايقني و تخلي حياتي جحيم , و أنا ح أقهرك وأفكر في أحلى ما في الحياة و أخلي تعبك كله يروح سُدى

لا تعتقد نفسك قادر إنك توصل لهدفك و تخليني عايشة ميّته في الحياة دي , لا أبدا لأن أنا لسه عندي رئة أتنفس منها وعندي شفاة ابتسم بها و عندي عقل أتأمل وأتفكر به , لسه عندي حاجات كتير تدل إني عايشة و قادرة أكون سعيدة

بتحاول تشغل عقلي بأفكار شيطانية , لااا يا باشا فووق , أنا وبكل سهولة قادرة أصرخ , أغني , أقرأ بصوت عااالي , أجري , ألعب , أدردش مع أصحابي ع نفساني , و ألغي الأفكار دي من بالي وأطنشها تماما

وبعدين إنت مش عندك أخوات و أهل تخاف عليهم يا سيّد وسواس , خاف عليهم بقى , وبلاش تيجي كده ع بنات الناس وأولادهم , كما تدين تُدان يا عم

وعلى فكرة , إذا إنت مُصمم تعيش جوايا , ح أقرفك , وأشرب حاجات سُخنة وأحرقك , وحاجات باردة جداا و أجمدك من البرد , طب أقولك على حاجة , أنا ح آكل كل يوم آيس كريم و أموتك من البرد , لحد ما تقول حقي برقبتي

يااالاا تعالى قولي ناوي ع إيه , وأنا ح أقفلك في كل حاجة بالمرصااااد

/

هاا فهمتوا قصدي

على فكرة هذي أحد أفكاري المُجرّبة , والناجحة كمان

:))

المصدر: نفساني