ابو علي313

بيانات اضافيه [ + ]

رقم العضوية : 38628  تاريخ التسجيل :  05 2012  أخر زيارة : 23-08-2014 (08:12 PM)  المشاركات : 282 [ + ]  التقييم :  10

لوني المفضل : Cadetblue

بسم الله الرحمن الرحيم

اول تشخيص لي كان اكتآب ( كنت في حالة اكتآب لسنتين) واستخدمت تريبتيزول ( اميتريبتيلين ) 25 مج مضاد للإكتآب، في البداية سبب لي هوس خفيف وحسيت بسعادة ونشاط زايد وشهية الاكل صارت احسن ، بس رجع لي الإكتآب بعد اسبوع ، واستمريت لسنة تقريبا مع الدواء، وكان مناسب لفتح الشهية بس كان يرجع لي الإكتآب بين فترة اقل من شهر ، وكان الإرهاق ملازمني،

بعدها استخدمت سيروكسات 25مج، وبعد يومين سبب لي هوس خفيف وسعادة ونشاط زايد بس الشهية ما تحسنت ، وبعد اسبوع رجع لي الإكتآب،،

بعدها ناقشت الموضوع مع الدكتورة النفسية وراجعت معاي الماضي واتفقنا ان معي اضطراب ثنائي القطبية،،
عطتني ( لاميكتال ) 25مج وبعد تقريبا ثلاثة أيام صرت طبيعي 100% وحسيت بإستقرار نفسي ماحسيت مثله طول عمري!! انفتحت نفسي للدراسة وشهيتي صارت طبيعية 100% وصارت لي طموحات واختفت كل اعراض الإكتآب ( ارهاق وحزن ووسواس وعدم رغبة في الحياة وانعدام الطموحات ) وما كان هوس لأني ادري بالضبط كيف يكون الهوس،، لكن للأسف بعد اسبوع صار لي توتر وعصبية وماتحملت الدواء،،

غيرنا إلى ( ديباكين ) 1000مج وحسيت بعد 3 اسابيع تقريبا بإستقرار للمزاج بس الإرهاق كان ملازم وصرت احس بالجوع بسرعة بس اكل وما احس بالطاقة ،، بعد شهر واسبوع تقريبا رحت للدكتورة وشكيت لها اني ما احس بوجودي، يعني مافي رغبات او طموحات او مشاعر تدفعني لعمل اي شي،، لا حزن ولا فرح لكن لا مشاعر! ، ، بتعبير الأجانب ( مثل الزومبي )

بعدين اطلعت على الإنترنت وبالتحديد موقع انجليزي فيه يكتبوا المرضى تجاربهم مع الدواء وقريت عن دواء ( لاميكتال لأنه الوحيد اللي رجعني للحاله الطبيعية لا إكتآب ولا هوس ) وشفت ان مجموعة من المرضى استخدموا هذا الدواء وسبب لهم في البداية توتر والبعض اكتآب حتى عند رفع الجرعة لكن بعدين اختفت هذي الأعراض ورجعت حياتهم طبيعية ويشكروا كثير على الدواء،،
فقررت ارجع له واحاول فيه مرة ثانية ووافقت معاي الدكتورة ،،

قالت الدكتورة ان احسن نوصل للجرعة الفعالة 100مج ووافقت

بدينا 25مج وبعدين 50مج وبعدين 100مج خلال شهر تقريبا،،
بعد اسبوع من استخدام 100مج رجع لي إكتآب قوي شوية مع خوف ورجفة في اليد وارهاق ( تأكدت ان هذي اعراض رفع الجرعة وانها بتختفي بعد فترة بس ماتحملت الوضع) ورجعت إلى 75مج،،

صار لي اسبوع و3 ايام مع 75مج والحمدلله المشاعر موجودة بس الشهية اقل نوعا ما ( احيانا تكون اعراض اولية وتختفي مثل ما صار مع احد المرضى )،، التوتر اقل ، الإرهاق موجود بس يختفي بآخر الليل وأول النهار ويرجع الظهر خاصة بعد ما انام،،
صابني الأرق، ما اقدر انام بالليل ، انام في النهار ( ان شاء الله يكون اعراض اولية مثل بعض المرضى )
المزاج بين هوس خفيف بس بدون نشاط! وبين إكتآب خفيف ،، يعني اذا صار شي حلو افرح بزيادة، واذا صارت مشكلة اشيل هم بزيادة،، واذا ااشتغل واتعب احس بإكتآب واتضايق،،
اتمنى مع الوقت تنحل مشكلة الإرهاق والشهية ويثبت المزاج بشكل أحسن،،

ناوي استمر على 75 شهر على الأقل او أكثر قبل ما نشوف إذا بحتاج ارفع الجرعة،،

على فكرة هذا الدواء سمعته طيبة ( بعد ما اطلعت على وصف اكثر من 100 مريض استخدمه من موقع askapatient.com) والدكتورة خبرتني ان بادي يثبت نفسه في السوق،، لكن اكيد له اعراض جانبية وما مشى مع الكل بس الغالبية استفادوا وما صار لهم اعراض جانبية والبعض صارت لهم اعراض بسيطة)

اللي عنده اضطراب ثنائي القطبية انصحه يحاول مع (لاميكتال) لأن المرضى اللي استفادوا منه كتبوا عنه كلام جميل جدا ،، ونصيحة ترفع الجرعة بشكل تدريجي جدا حتى تتجنب الأعراض الأولية،،

تمنياتي للجميع بالشفاء وأسألكم تدعوا لي بالشفاء ( دعاء المؤمن لأخيه مستجاب )

ارجوا مشاركة تجاربكم حتى لو بشي بسيط وأعذركم اذا ماقدرتوا لأني بنفسي ماقدرت اكتب قبل يومين بسبب المزاج والإرهاق،، بس حاولوا رجاءا ولا تبخلوا علينا ولعل تجربة واحد تنقذ حياة كثير!

بالتوفيييق جميعاً،،