المشاركة الأصلية كتبت بواسطة ابو علي313

اعرف ثلاثة من اهلي،
الاول معلم، صارت له حالة هلع، ينام في المساجد يخاف يموت بأي لحظة، بعد استخدام الادوية رجع طبيعي 100%، طبعا طول شوية الى ان ترك الادوية، يعني لما بدأ يتناول الدواء قدر يداوم بس متقطع في البداية وبعد فترة تحسن زين، بس طول الى ان ترك الادوية نهائيا 6 سنوات تقريبا،

الثاني كان عنده وسواس حاد وارق لمدة سنتين وبعد 6شهور من استخدام الدواء رجع طبيعي 100% حتى سافرنا مع بعض اسبوعين غيرنا جو والحمدلله مالاحظت عليه اي مشكلة نفسية، والحين يمارس حياته بدون ادوية، لكن خبرني يجيه وسواس خفيف احيانا بس لما يشغل نفسه يروح،

الثالث طالب بالكلية، صار له خوف اجتماعية ووسواس وما قدر يداوم لكن بعد استخدام الدواء شهر تقريبا رجع يداوم ويقولي وايد احسن ومرتاح مع الدواء ولازال مع الدواء كمل 6 شهور تقريبا

انا الرابع، اكتآب حاد وخوف اجتماعي سنة بس بعد الدواء تحسنت 85% ، لازلت مع الدواء لأن اللي عندي (ثنائي قطبية) وهذا علاجه طويل واحيانا تستخدم الدواء على طول بس لو سألتني بقولك اخذ حبة بالليل واقول الحمدلله ان لقيت لي دواء مناسب ولايهم متى بتركه دامه سليم،،

المشكلة بالانترنت ياصديقي ان اغلب اللي يكتبوا فيه هم اللي متضايقين من الوضع وماتشافوا، اما اللي تشافوا تحصلهم مشغولين بحياتهم بعيد عن مواضيع الاكتآب،،

وبالفعل مثل ما عرفت بنفسك ان الادوية النفسية معقدة ، يعني احيانا تسوء الحالة بالبداية وتتحسن قدام واحيانا ما يفيدك دواء معين ويضيع عليك ايام على الفاضي،، يعني اذا مسيطر على الوضع ابتعد عن الأدوية لكن لاسمح الله ساء الوضع لا تتأخر بالعلاج لأن الاكتآب اذا طال طالت فترة العلاج،،

بالتوفيييييق