نفساني - عرض مشاركة واحدة - انا مش عارفة اللى عندى ده هلع ولا اختلال الأنية ولا رهاب ولا ايه ساعدووونى اخواتى

20-01-2013, 04:43 PM

انا مش عارفة اللى عندى ده هلع ولا اختلال الأنية ولا رهاب ولا ايه ساعدووونى اخواتى

انا مش عارفة ابتدى منين كل الموضوع انى وانا صغيرة عمرى 8 سنين كانت بتجيلى حالة الخوف من الموت والحقونى انا بموت ومحبش اشوف مقابر او اسمع ان حد مات وكده يعنى المهم ودونى لمشايخ كتير ورقية شرعية واستحمام بماء مقرى عليه وعدت فترة مع النسيان بقيت كويسة و فى سن المراهقة جاتلى حالة زى مااكون منفصلة عن العالم او الناس ماشية بحلم مركزة فى حاجة زيادة عن اللزوم المهم قعدت معايا فترة وبردو مش فاكرة راحت ازاى بس كنت بقرأ قرآن وأذكار والرقية واستمرت فترة ومع تجاهلها راحت بقيت تجيلى على فترات دقيقة كدة ساعات اكون بتكلم مع حد وفجأة احس انى بحلم او عدم ادراك الوقع وبحاول مركز فيها بتروح المهم بقى ما اشعر به حاليا انا متزوجة ومعى طفلين منهمة طفلة رضيعة وده اللى مخلينى مترددة على اخذ ادوية لانى فى فترة رضاعه عمرها اربعة شهور انا بعانى من ضغوط نفسية كتير بس مش بحطها بدماغى خالص وبنساها المهم الحالة بتاعت عدم ادراك الواقع او اختلال الانية دى جاتلى تانى بصورة اقوة شوية عن الاول لما كنت مرة خارجة رايحة اكشف فى مستشفى وانا قاعدة فجاة حسيت انا الاضاءة قوية جدا والرؤية بقت مشوشة وحاسيت انى بدوخ وابتديت معايا الاعراض دى تنميل ايدى ورجلى وراسى تقلت ومش قادرة امشى وضربات قلبى سريعة وعينى فيها ظلام المهم بقيت اصرخ واقولهم انا بموت وخايفة جدا علقولى محاليل بالمستشفى وروحت البيت ومن ساااعتها وانا بخاف اخرج من البيت عشان متحصليش الحالة دى تانى المهم فعلا لو حاولت اخرج من البيت احس انى بعالم تانى وشرود ذهنى ودوخة مش قادرة امشى واضاءة قوية جدا مش قادرة افسر اللى ادامى ولو فى مكان واسع كمان اتعب جدا مقدرش امشى فيه واحس انى هقع هيغمى عليه طول ما انا فى البيت مرتاحة اول لما انزل من البيت بيحصلى الموضوع ده وخلاص بقيت فكرة مسيطرة علية مش عارفة اعمل ايه ولنا بخرج بحاول اتغلب على هذه الحالة بس للاسف هى بتتغلب عليه من الدوخة بحس خلاص هيغمى علية ورؤيتى مشوشة ومش مركزة خالص ذى السرحانة بعمق فى حاجة حد عنده علاج ليه انا خلاص مش عارفة اعمل ايه بالله عليكم تساعدونى

المصدر: نفساني