ديمو

بيانات اضافيه [ + ]

رقم العضوية : 40881  تاريخ التسجيل :  10 2012  أخر زيارة : 31-03-2013 (09:26 PM)  المشاركات : 13 [ + ]  التقييم :  10

لوني المفضل : Cadetblue

مساعده جزاكم الله خيرا

السلام عليكم
قبل 7 شهور كنت نائمة وفجأه صحيت من النوم و انا مفزوعه و قلبي ينبض بسرعه اول مره اصحى في هالحاله
اغتسلت بالماء و قرأت المعوذات و حاولت النوم ولكن احس بشي بغريب
ومن هذا اليوم و انا انقلب حياتي بشكل كبييييييييييييييييييييييييييير
صارت تاتيني غصه و صعوبة بالبلع و عدم التوازن و صرت ما اقدر ابلع الاكل احس بتوقف اللقمه و صرت من ابذل اي مجهود اتعب احس كأني اركض و انا جالسه
صرت بس احرك رجلي و انا اتكلم ماحس بتوازن احس مثل الشي الثقيل على قلبي صرت ماحس بطعم الفرحه
و لا استطيع الأكل الآن لدي صعوبه في بلع الريق احس بختنق
حتى الحبوب صرت اخاف ابلعها قبل ان تأتيني هذه الحاله كنت ابلع الحبوب و انا جالسه و بسرعه بس الحين صرت اجلس نص ساعه على ما اقنع نفسي ان ابلعها
حتى الشرب اذا شربت احس بالشرقه ما ارتاح و انا اشرب ( الدجاج و اللحم و التفاح و البرتقال ) من 7 شهور ما آكلتهم صار اكلي بسيط جداشوربه او بسكويت
نزلت حتى الآن 15 كيلو و ملابسي صارت جدا وسيعه و الكل يشوفني يقول تغيرتي و ضعفتي
سويت تحاليل للغد و صورة للدم وجرثومة المعده وكلها سليمه الحمدلله كل دكتور يقولي انتي زي الفل و انا ماعاد اشوف نفسي الا ورده ذبلت
سويت منظار للمعده و كل شي سليم و الدكتور يقول مافيه اي شي يعيق البلع هذا شي نفسي
صرت لا استطيع الأكل الا لما يكون احد بجانبي اخاف ابلع و انا لوحدي احس بغص ولا فيه احد بيساعدني حتى شرب الماء لا استطيع الا لما يكون احد بجانبي ملاصق بي
لااستطيع الاكل في الاماكن العامه او في المناسبات صرت استحي احد ينظر لي و انا آكل لان ساعات اخرج الاكل بمناديل
مع كل لقمه احس بموت صارت تجيني افكار غريبه عن الموت و القبر و افكر كيف بكون بالقبر و ما معي احد و ظلمه صرت اشوف الناس احس بشوفهم آخر مره صرت افكر ان اكتب وصيتي
و الخفقان ملازمني حتى لو كنت اسمع للشرح في المدرسه احس بالخفقان
يعني مثلا لو كنتو تركضون او تمارسون الرياضه و فجأه احد يعطيكم اكل تقدرون تاكلون ؟لا
لازم تجلسون و ترتاحون بعدين تقدرون تاكلون
انا احس كذا كأني توني موقفه من الركض و ابلع و امضغ مده طوييله و بعدين ارمي اللقمه بمناديل
احس صارت حياتي ثانيه يعني الاكل جزء مهم في حياة كل شخص
رقيت نفسي اكثر من مرات و مرات و انا اعرف و على يقين ان القرآن شفاء لجميع الامراض و لكن انا احس هالفكره في عقلي "ما اقدر ابلع "
ذهبت لدكتور نفسي و قال لي اللي فيك " قلق " و وصف لي دواء اسمه " remeron " حبه قبل النوم
و انا ما استعملت هذا الدواء لان اخاف اتعود عليه و يسبب لي ادمـــان و انا خايفه جدا من هالشي
وخصوصا انا في آخر سنه من الثانوية و امامي حياة ثانية و اخاف ادمن عليها ولا اريد ان يدخل جسمي حبوب نفسيه
لدرجة صرت استغرب من اللي ياكلون بسرعه لاني اجلس على اللقمه فتره طويله و احس بتعجب لما اشوف الناس تاكل بسرعه احس انجاز
حتى لما اطلع اتسوق احس مخنوقه و اتعب بسرعه وخفقان و ضيق
مادري يعني الى متى و انا في هالحاله تعبت وتعبت اهلي معاي
انا اعرف ان هذا قضاء و قدر و ابتلاء بس ابغى الحل :( :( :(
شكرا لكم 21l;wqa'

المصدر: نفساني